汽車車身生銹

如果生銹得唔嚴重，只係沙板內邊而無發到出車身。可以自已DIY。只需一百元唔駛，慳番唔少。首先要有以下物品：勞工手套一對、大一字鈚(或硬鐵鏟)、小鐵鎚、至少400號粗沙紙、縐紋膠紙(闊)、車底防銹膠(黑色粒粒膠)、塵掃。

1.用縐紋膠紙沿沙板外邊小心貼上
2.戴上勞工手套，用小鐵鎚輕拷已生銹的油漆部份及用鐵鏟清除
3.再用沙紙小心地盡量去除生銹部份
4.用塵掃清除沙板內邊一切碎粉
5.耐心、平均地用粒粒膠噴上兩至三層(約每層隔15分鐘)，小心不要噴到車身表面！
6.過半小時後慢慢咁將縐紋膠紙撕下

成因係平時路面行時,有砂石硬物打上車身.
破壞車身油漆,車身接觸到空氣而氧化.
可能到車房做局部噴油.希望幫到你.