動物有自己的語言嗎？

佢地既語言唔只聲音, 身體語言佔更大比例. 例如貓豎起晒d毛, 烏低身, 扁晒耳仔, 就係準備大打一場既意思, 而發出蛇一樣的噝噝聲, 只係成個戰鬥格裡面的助語詞.
唔熟悉貓既人以為貓只有喵聲, 但在下成為貓奴, 日子久了, 係分得出幾種唔同既意思, 例如投訴你唔睬佢既又長又幽怨既喵, 又例如提醒你餵貓既短促既喵, 又例如比椅腳, 人腳踏中條尾既慘叫的喵, 又例如叫春的貓又長又慘的好似bb喊咁既喵聲, 加上前面提過打架的噝噝聲, 同比你抱住, 梳毛的咕咕聲.
不過話說回來, 動物世界始終比人類簡單得多, 除左食同訓, 性同暴力, 都冇咩其他內容架啦. 所以唔會好似人類語言有咁複雜既詞彙, 嚴謹既文法. 動物品種之間部分語言係共通既, 特別係關於攻擊, 投降, 戒備等, 住係同一個環境, 實在有需要有共同語言. 至於同類之間爭地盤, 爭女友等既語言, 就每個品種唔會混為一談.
所以貓想打架既語言, 你身為一個人類都會收到, 唔會走近一隻神情兇惡既貓個度. 但早上小鳥唱歌其實唔係好似你想像咁, 係叫你起床或者歡迎你. 其實係佢地種族每朝早宣示主權, 既係好似人類升國旗咁既意思.

有....其實佢地既叫聲就係自己既語言!