倉鼠生腫瘤一問？？(專家請進)(15分)Thanks~

希望網友識有理可以尊重一下,唔好copy我之前答既資料,我所有回答都係根據自己經驗再自行打出唻既,絕冇copy任何網頁,胡亂copy又有咩意思呢?該答案其實並回應唔到問題,大約資料,發問者之前已經問了

1.有腫瘤之前並冇表面跡象,皮膚上既就會明顯見到一粒硬既野,而體內既,就多數去到好後期先會被發現,後期可能會有內出血既,身體腫左d(呢樣好難睇得出,似肥左),所以內臟腫瘤好多時都好難醫

2.應該就會痛,就算粒野本身對鼠鼠既神經腺冇咩影響,鼠鼠都會成日自己攪粒野,我以前既鼠試過將成粒野咬爛左,佢就慘叫同埋好多血,相信會好痛呢

3.了解一下鼠鼠生腫瘤既原因,就可以預防一下,不過有d避免唔到,導致鼠鼠生腫瘤有以下成因:

a)基因問題
有d鼠鼠天生就有癌症既基因,而近親繁殖既鼠較多機會,因為近親繁殖出唻既隱性疾病基因出現癌症既機率較高,從而令鼠鼠可能一個月大已經有患癌症既可能,因為係基因既問題,所以大多就咁睇落去並唔了解點解鼠鼠忽然有癌症
基因誘發既癌症係好嚴重,大多數都會致命

因此,要避免鼠鼠近親繁殖,近親繁殖都會有好多其他既疾病

b)對致癌物質既反應
鼠鼠對致癌物質既反應係特別敏感,亦都因為咁,鼠鼠在實驗中,好多時都被用作癌症既研究

因此,將鼠鼠遠離致癌物質,例如避免俾鼠鼠吸到二手煙,輻射等

c)年老
好多鼠鼠年老時都會生腫瘤,原因仲未研究到好肯定既答案,一般可以話因為年老細胞變異而生腫瘤

d)飲食習慣
鼠鼠太肥,長期胡亂食野,又或食太多致肥致癌既食物,食得多,慢慢都會有癌症

因此,唔好胡亂俾鼠鼠食人既食物,我覺得只係俾混合主糧已經足夠,個人經驗係愈少雜食,鼠鼠身體愈健康,可以去到年老都冇病

e)生育
生育過既鼠係較易有癌症,因為生育後身體既變化而引致,而子宮腫瘤係較常見

4.有d鼠你會見到好特別,好似有斑點,又話混種既鼠,生物學唻講其實算係畸胎,係基因問題先有咁特別既樣,鼠店可能會話呢d品種好少有好特別,但其實有問題既鼠生存較少,所以就唔好貪特別同少有去買鼠會安全d

2007-09-09 18:00:50 補充：
希望你隻鼠快d冇事,唔係腫瘤啦

2007-09-10 22:45:17 補充：
照生物學定義,所有倉鼠一歲已經開始老了,開始會有年老既身體毛病,歲半開始可以話好老而一般小露寶都得係1.5歲,但都見過有d人養到3年,所以養得好唔好都差好遠

2007-09-12 21:32:44 補充：
佢肚瀉好返啦?麥片係好有益既,我既鼠病都會俾佢食記得留意多d粒野會唔會大左,有時日日睇大左唔多覺,如果係腫瘤,會搶晒鼠鼠既營養,粒野就愈唻愈大粒,鼠鼠就愈唻愈瘦...

2007-09-14 00:28:36 補充：
體內腫瘤其實同體外既差唔多,好似我第1點所講既咁,好難被發現,多數只見鼠鼠瘦,有d到後期先見到佢下體出血,但見到咁已經太遲當中係子宮腫瘤比較特別唔同,會因生bb而誘發以前有個獸醫檢查時我都問過,佢係用手咁下鼠鼠既身體咁去初步咁check,佢一咁就知咩位生,好犀利,但一直幸好我既鼠都冇呢個問題,所以我就唔知識唔識點摸,更加唔敢叫人咁試,因為一大力就好易整親鼠鼠架啦,但我自己都有習慣極輕力地咁摸下鼠鼠既習慣(冇信心真係唔好咁)

2007-09-16 02:13:17 補充：
唔洗客氣^^

詰請問我的倉鼠在手指尾脹起左，不知是否係腫瘤，点好呢?

我隻倉鼠打交時打穿左個瘡,但之後就好番,仲好活潑!!不過呢隻倉鼠真係好命大..

A.腫瘤就要咬好耐先會有咬爛,而瘡就好易爆了,林林地先係瘡,硬既話就係腫瘤,兩樣都要盡快睇醫生先得,特別係爆左,其實仲多細菌感染既機會,所以唔好以為咁就冇事
1)瘡既話,最好在爆之前就處理好,唔係既話,爆左就好麻煩,好難好返.
獸醫可能會幫鼠鼠放膿,要唔要放就要睇實際情況先知,由於有細菌感染,應該就會用抗生素治療.如果係用抗生素既話,必須定時服用晒所有抗生素,絕不能中斷.
2)瘤既話應該會照下,再做手術整走佢
B.放膿or整腫瘤都要落麻醉藥(放膿要睇位置同情況),所以如果你隻鼠年紀大既話,毫要考慮清楚先好決定,老左既鼠好難承受到麻醉藥既.
呢兩樣情況都需要較多儀器,可以到大圍度睇:
最出名醫鼠既係呢間,但就較貴:
大圍珍禽異獸及寵物醫院 DR.TIGER
Tel: 2687 1030 地址:大圍積信街75號地下
http://www.taiwaiexo tic.com/

平d可以睇愛護動物協會,但做手術既話,都可能會叫你睇大圍,因為設備不足
愛護動物協會診所資料:(需入會) Dr. Corla DeWet
http://www.spca.org. hk/chi/vet/vetclinic .html
愛護動物協會流動醫療車資料:
http://www.spca.org. hk/chi/vet/moclinic. html

C.睇醫生可能要book or如果未即時去到既話,可以做住以下既野先:
1)有第隻鼠既話要分籠,患病既鼠被第隻鼠乘虛打死(鼠鼠本身係獨居動物,其實咩情況都係一籠一鼠較好)
2)保持環境乾爽清潔,避免有更多細菌再令鼠鼠受感染
3)唔好俾風直接吹到鼠鼠,要鼠鼠保持溫暖
4)俾一d有營養既野佢食.可以試下俾d麥片or白麵包佢(得呢兩類人既食物我會俾鼠鼠食,仲係有病先會俾)
5)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既.