唔同種類的倉鼠一起

唔打架, 我2隻小銀狐, １隻小紫王,1小杏寶都未打個

咁都可以?真係好厲害喎,

A.倉鼠本身就係獨居動物,同品種都好易會打了,唔同品種就更易

B.如果係一男一女既,更加更加大問題,可能會生bb,但唔可以亂咁混種,因為好易會做成畸胎,畸胎會有以下既問題:
a)DNA病毒
有機會會有一d DNA既病,屬於一D先天性既癌症,基本上可以話冇得醫既
b)遺傳病
基因出現問題,有機會會令鼠鼠有糖尿病,濕尾症,腎病等嚴重疾病
c)肢體畸形
一出世已經有機會係缺少一d肢體,冇腳or冇牙等,由於有缺憾,所以好易會俾鼠媽媽覺得佢生存唔到而唔理,甚至食左佢.但就算過到鼠媽媽呢關,長大都會非常困難
d)殘廢
畸形既鼠,就算一出生身體上冇問題,但長大後,可能忽然會癱左咁
e)短命
近親繁殖既鼠鼠壽命一般都係較短
f)智商問題
呢個我冇睇過書OR研究,但都有話亂倫會令鼠鼠智商下降

另外我覺得唔好混種既原因可參下以下我回答既知識
http://hk.knowledge.yahoo.com/question/?qid=7007072305027

C.我覺得應該盡快將佢地分籠,唔係有事先唻再處理就太遲了,原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

2007-09-09 14:26:55 補充：
坊間其實話鼠鼠可以一齊住既方法我細個試過好多次,都害死過好多隻鼠,沖完涼再放埋一齊,初時一陣可能好D,但好快又打過一個籠兩層,咩都放兩樣,轉輪,水樽,屋仔,食物盆之類,D人話咁就唔會爭,但結果都打死又有人話同一胎唔打,初時真係,成日一齊訓,好似好好感情,但最後打到頭都甩埋,所以就算一齊訓都唔代表D咩