南丫島and長洲有咩好玩

長洲好處︰
1. 人氣夠旺，購物極之方便，夜晚去碼頭附近有好多宵夜食
2. 景點多，例如東灣、風帆紀念牌、張保仔洞，仲有好多比市區平的海鮮酒家
3. 地方較大，踩單車都會有多d地方去
長洲缺點︰
1. 長洲山地多，行得較辛苦，不過睇你住得近唔近碼頭，如果近..都冇咩影響卦，但去張保仔洞有街渡接駁
2. 長洲人口多，比較缺乏寧靜的氣氛
南丫島好處︰
1. 感覺舒服，別有外國風味的小島，有許多南丫島特有的景點，如風力發電站、豆腐花、索罟灣的漁民博物館及不少特別的主題鋪頭，而且由於不少外國人住，所以沿途有不少酒吧
2. 船程快，距離中環最多只有35分鐘的船程，仲有街渡去香港仔，一定相當近市區的離島
南丫島缺點︰
1. 可以行的地方太少，只有一條榕樹灣大街行，如果唔太鍾意行鋪頭的人會覺得悶，而且這是一個別樹一格的地方，你不會找到麥記、惠康、百佳的地方，只有很多士多，好定唔好就見仁見智
2. 景點分散，最近碼頭的海灘洪聖爺灣距離遠，一定冇長洲的東灣咁方便，如想去索罟灣的話，從榕樹灣去一定要行山路一小時，沒有任何交通工具前往，唔想行山的話，就要考慮
3. 物價較貴，始終沒有大型商鋪的competition
雖然如此，但我個人唔知點解，鍾意南丫島多d! 所以你地自己考慮下!

Well is there any bicycle for hire in Lamma Island ????

可以去行山
有益身心

我去過長洲好多次, 有海鮮, 有酒樓, 有食店, 仲可以買 D 海鮮到渡假屋入面自己整, BBQ一定可以啦, 睇下你選擇食咩啦 !

另外你可以同個單車舖老細講租單車, 第二日先還, 一般收按金囉 !

可以去(張保仔)洞行下, 沙灘玩排球, 飛碟, 估領袖 . . . 等等 !

又可以去廟到拜下神求下簽 !

** 我覺得去長洲方便 D ! 我去過一次南丫島,吾係甘鍾意, 你可以考慮下啦 !

一個食seafood,一個就可以燒烤,行沙灘,踏單車,咁你話去邊個島好d 呢