✔ 最佳答案
1. 唔想做受欺壓的一群,點解你唔努力去做老細呢 ?? 但係做老細可能會慘過打工架喎,被人欺壓就時時都有架啦,好似早輪個玩具港商咪比美國佬迫死左囉 !!
2. 搵錢少供唔起樓,點解唔一早去深圳買樓住,我四年前就搬左上深圳啦,咪當係搬入天水圍住囉,我返西環返工都係個半鐘就到啦!家下樓價升左成兩倍,我都唔知幾開心。
3. 人工唔高,唔怕 -- 最重要係有儲蓄,到時有多少錢,咪買股票或基金長線投資囉,遲早一定會好d架 !! 再有多少咪炒下短線,有時真係好過返工架 !!
4. 做人其實唔好同人比咁多,有人一日食幾千蚊一餐,有人就幾十蚊一餐,最重要係開唔開心姐,有錢未必一定好,做人只要懂得知足常樂就係最重要。我地黎到世上果一刻,連底褲都無條架啦。到死又係連條毛都帶唔走。我情願人生過得有意義,比人生有錢過得腐敗好。
2007-09-10 14:20:09 補充:
上面位人兄,你都好過我好多呀 ---- 高官一支紅成 5000,你三日人工就有 5000,咁你仲想點喎,我一個星期都未有5000哦 !!