✔ 最佳答案
先講昨天覆診, 今次所有指數都好好, 比上次有更大的進步.
但是我的兩邊腮都腫起來, 醫生說要抽d出來驗下.
嘩!!! 好驚呀. 我不停問醫生: 痛吾痛架?
我都知點會吾痛, 不過係有幾痛啫? 我都覺得自己好煩, 其實只係妄想醫生話吾痛啫.
今日一早起身, 食飽早餐, 上去專科大樓, 仲帶埋NDS陪我.
等咗好耐, 叫我.
醫生話瞓上床, 平瞓, 面向牆.
好緊張, 我合埋眼.
少少痛... 越來越痛... 再痛d... 完成啦!!! 好彩無好痛
要張傷口按住15分鐘, 無嘢就走得.
當我正想打電話回家時, 又叫我, 做咩??
醫生話, 完來我仲要種菌, 所以要再抽多針.
吾係呀嗎, 你玩我咩, 頭先你又吾睇清楚, 一次過抽埋, 而家又要再抽多一次.
無辦法, 今次要抽另外一邊.
好痛... 越來越痛 ... 超級痛... 痛到我震, 我終於明白咩叫"痛到震".
真正完成, 謝天謝地.