上網問功課 [02 辯論題] 抄功課應該嗎？

我覺得呢條問題好正,應該辯論好耐啦~
正方:究竟點解一個學生要抄功課呢?1.為左交齊功課,為免被老師,家長,其他人責備,為免因欠交功課而記缺點,小過等,會留下不良的記錄
2.增進同學們的友誼,係朋友既~就應該借d功課黎抄巧下啦~而最重要既呢~你抄我,佢抄你,你又抄佢,咁睇落咪成班/成級都會好似好團結,好一致囉~
3.增進知識,因為被抄者有心做功課,亦認為能夠借比人抄,咁佢應該都好有信心係做得o岩既~而你可以從抄襲當中學會了不少他人既答題技巧和方式~其實同學既功課就好似精讀咁,你會考高考都會睇精讀啦,所以你連平時做功課都睇同學既精讀,咁就事半功倍啦~
4.增加功課分/常分,因為功課交足而又大部分都o岩~所以老師會加分~
5.抄多d野增加抄野既速度,可於訓導時抄野快d,又可以比老師罰抄時快d完成,就有更多多餘既時間做自己野~
抄人者既好處就係上面咁多,而被抄者既好處就係:
一.可以被人祟拜,因為好多人抄你功課,所以會覺得你好叻
二.增進友誼,又可以結交異性既朋友~,例如:暑期完左喇,見到個女仔好o岩心水,咁一返學冇咩送比佢,咪可以送本暑期作業比佢抄下,增進友誼囉~
三.可以賺錢,如果你想將來係一個商人,你會o係學校賣你的功課的答案,咁從而賺到不少既外快~又或是唔係錢,而係其他野,可以係今次我借比你抄,下次你借返比我,又或者係借比你抄,你請我食糖/其他......
四.保持自信心,同埋會努力做好每份功課~因為你知道自己d功課要比人抄,唔衰得~
其他論點:1.你有睇過新聞話抄功課或者借功課比人抄會跳樓嗎?但我睇過新聞話功課壓力太大會自殺囉~
2.你估個個都係沈詩鈞咩,個個一聽就明架咩?咁叻而家就入左大學啦~
3.你估個個老師都真係識教書架?識教不過唔係個個都識聽囉~
可以問既:其實功課真的咁重要嗎?你唔覺得功課對我地既友誼有著密切既關係嗎?
嘜你想我欠交功課嗎?你唔識做,咁唔通唔交咩,咁就緊係抄啦?!~ and 其他......

反方:其實只係針對返正方而提出返相對既論點~

其實呢Ｄ題目無得辯論，已經被認定為不應該．．．不過都幫下你啦


正方：應該
．抄功課不等於壞學生
．抄多得就會識，不一定抄功課就代表懶
．香港讀書壓力太大，學生抄功課好比沒做功課好，沒做功課會被老師罵，抄功課則可以暫時應負老師
．抄功課就好似抄會考筆記咁，抄左正確的答案，考試就可以溫返正確的知識

反方：不應該
．抄功課是懶人的行為
．抄功課等同考試作幣，只是應負老師而做的事
．抄功課是不良的學習態度，亦係不負責任的行為，老師給的功課是要學生認真去做，抄功課就只是馬虎求其地完成功課
．自己做功課比抄功課的印象較為深刻