我同她仲有冇可能談戀愛?(得5分希望有人答啦)

解決方法十分簡單!
增加溝通同聯絡
如果唔係,感情淡淡下
個女仔分分鐘跟左第二個!

我唔明點解你地明明係男女朋友
反而唔會自己聯絡,仲要朋友互通消息?
你地可以試下MSN,傾電話
如果可以既話,甚至上堂都可以SMS
如果連同一間小學個陣,你地都係講一兩句野
好難想像你地會係相愛-_-?
[點解可以隔牆傾計既?咁又幾正喎=V=]
- - -
唔關佢考唔考慮同你分手既!
不過感情咁淡,遲遲下佢遇到個有好感
或者到佢對你感情無哂,無哂FEEL
自自然就會無疾而終架啦!

第一步,之前講左
一定要保持聯絡,唔好再靠咩朋友互通消息
或者只係隔牆傾計
咁樣你地邊有可能再係埋一齊呀!
你可以傾電話,MSN,SMS
依家科技咁發達,呢D溝通方法好簡單姐!
話題咪傾下你地既校園生活,有咩好朋友之類

其次,你地學枚咁近
你咪去佢學校接佢,見多D面
相處多D,感情先無咁易淡

然後,禮物當然要送!!
但都唔係日日送
情人節,佢生日,聖誕呢D日子都可以送野比佢
有時唔單止係你送比佢
你可以提議不如大家交換禮物
咁都係個唔錯既增進感情方法!
女仔受到禮物就一定會開心[除非佢討厭你-0-]
送情侶鏈,戒子都OK!或者送下飾物!
其實一D小禮物就OK!
但如果係情人節就送朱古力
聖誕可以試下送頸巾,佢生日就送D貴D既野!

我諗你依家應該中一?
我唔知你地係咪唔比出街定點!
因為你以上完全無提過你地會唔會出街!
出街係個絕對要既活動!
兩人世界係好重要,男女朋友無可能唔見面
至少彼此都會掛住大家!
唔知約左出黎可以去邊咪去下圖書館
一齊去食野囉!
就算只係約出黎行下街,去公園散步,傾下計
都已經好好架啦!
再唔係可以約班FD出黎,去唱K,溜冰
成班人一齊玩,又可以識下佢D朋友
又可以聯誼感情

文靜型既女仔一般都比較被動
咁就靠你主動D架啦!
你再吊兒郎當咁,呢段感情好似就無疾而終!

- - - - - -
講真,感覺上你地既關係好似好兒戲
表面上就話男女朋友,但事實上完全唔似
到底你地係過分地無經驗還是太被動,唔肯主動?
如果你地係咁深愛,自然想見面,想傾計,想了解對方多D
但點解你地感情會咁淡,又唔多聯絡?

試下多D突破!更多聯絡,更多了解,更多相處!
佢仲係對你有FEEL既話,
只要你肯主動踏出第一步,佢都會漸漸放膽
你再遲既話就蘇州過後無艇搭!
- - - - - - - - -
我都為你地感情擔憂-__-
依家你地既感情簡直到達懸崖邊際,就黎要宣告死亡咁
總之,你係愛佢,就快馬加鞭
努力努力*

如果, 真心相愛還要為什麼留住她個心呀!!你諗真d, 你們有電話米遲d約出來吃飯,溫書,互相鼓勵大家努力讀書囉, 怕hurt米msn囉, 想快點知結果打電話, 無時間la, 天氣熱都咁, 打熱親熱吧, 大家都有feel嗎?加油la.^0^

專心讀書罷啦, 讀畢書以免, 大把時談戀愛, 驚你怕唶.