快~我唔知點解我隻倉鼠隻眼睛有D野!!!20點

唔同意樓上既講法,放鼠鼠出大自然,真係可以話死緊,希望發問者及樓上網友都唔會咁做啦,就算唔醫鼠鼠,都唔洗一定要鼠鼠即時有生命危險的,鼠鼠既皮膚病係唔會傳染俾人,唔需要太驚慌

A.鼠鼠甩毛,如果冇其他病徵既話,就應該係皮膚病了

皮膚病好少會致命既,唔洗太擔心,但都要留意下甩毛既地方會唔會有粒粒生出唻,有時甩毛,都會因為有腫瘤而甩既

有皮膚病既做法:
1)有第隻鼠既話要分籠,避免傳染or第隻鼠乘機打病既鼠(不過鼠鼠其實係獨居動物,分開住會好d)
2)仔細檢查鼠鼠既食物,會唔會有寄生物,有時有既話未必咁易睇到,呢d寄生物都會令鼠鼠甩毛既
3)有皮膚病就要保持個籠乾爽清潔
4)同鼠鼠每日用藥性沖涼粉沖涼,之後噴/搽藥皮膚病既藥水,藥水應該好多有賣鼠用品既地方都會有,買既時候記得睇下有效日期.
藥水噴落傷口既時候,鼠鼠既反應會好大,我諗應該幾痛啦,所以下次噴就會更難,鼠鼠會反抗愈唻愈大,小心d唔好因為咁而噴到鼠鼠既眼耳口鼻.如果脫毛既地方接近頭部/擔心會噴得唔好,就可以用棉花棒同鼠鼠搽藥.
只靠藥性沖涼粉其實係冇咩用既
5)有俾鼠鼠飲既皮膚病內服藥水,叫"美毛素",如果買到都可以加入鼠鼠飲用既水度俾鼠鼠飲,雖然效果比較慢,但唔洗噴藥咁難.價錢就比較貴,大約$55-70,買既時候記得睇下有效日期.
6)唔好俾零食俾鼠鼠食,戒下口先,曾經有鼠店既人話,食人食既食物都會引致有皮膚病,而人既食物其實一般都唔適合鼠鼠,所以唔俾鼠鼠食都係好既.
7)檢查下鼠鼠排尿有冇問題,膀胱or腎有事都會令鼠鼠有皮膚病,咁就要先根治引起皮膚病既問題先
8)檢查一下甩毛既地方會唔會生粒粒,生瘡or腫瘤都會令鼠鼠該位置甩毛,咁就唔係皮膚病,要處理好瘡or腫瘤先
9)唔好用有色or有味既木糠,因為呢d都好易令鼠鼠皮膚敏感,敏感嚴重起唻係會致命既
10)當然可以直接帶佢睇醫生啦. .睇醫生既話可以考慮一下:
愛護動物協會診所資料:(需入會) Dr. Corla DeWet
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html

B.眼既白色野唔知係似塵,定係一層白色薄咁既呢?佢有冇眼水呢?開合眼有冇問題?

如果係白色薄,睇落隻眼有D混濁既話,就可能係白內障,白內障係冇得醫既,自己更加冇可能處理到

如果似係塵既話,因為鼠鼠既眼係凸出唻既,所以好易會有塵整到入去,如果佢開眼冇咩問題既話,好多時慢慢佢自己都會整返出唻,我d鼠鼠都間中有咁既情況
但如果整到鼠鼠有細菌感染,有流眼水OR分泌物之類,就可能係眼發炎了

而家暫時既建議:

1)多d睇下佢眼有冇眼水及分泌物,同埋開眼有冇問題

2)如果見到開眼有問題既話,就可以幫佢抹下,方法如下:
用藥用棉花,加少少微暖既水,抹下鼠鼠隻眼,都係唔得就可以用極微既力去試下打開鼠鼠既眼(冇信心控制力度就唔好試),如果係有塵既話,應該可以打得開,打唔開就可能隻眼有病了

3)保持個籠乾爽清潔,避免細菌感染

4)如發現有眼水or分泌物,就早d同佢睇醫生(如果而家擔心都可以去睇,拎d眼藥水沖走d野都好),眼有塵都易令細菌感染而做成眼疾,眼疾好難自己去醫,所以最好就帶鼠鼠去睇醫生啦,市面上我都見過都有d眼藥水既,但係咪真係適合用就好難講,始終就咁講唔可能100%肯定係咩問題.所以最好係去睇獸醫,可以考慮一下愛護動物協會
愛護動物協會診所資料:
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html

2007-09-08 18:25:18 補充：
如果真係唔想要鼠鼠既,其實可以俾愛護動物協會,唔洗掉鼠鼠出街架

關於土兜冇毛毛 - _ - " ( 最有可能係有皮膚病 T _ T)

第一個可能 :

想問你隻鼠鼠係唔係新岩岩買返黎 ?

係既話就係可能係同籠既某一隻既皮膚病傳染到 。

( 以後再買最好都係唔好係同一間野買 ! _ ! )

第二個可能 :

佢成日會用口水整乾潔自己 ,

( 你放佢出黎都有可能摸到d唔乾淨既野 )

其實佢d口水都有病菌 ,

你要每星期就要幫佢人佢要沖涼沙涼一次涼 ~ @ _ @ "

第三個可能 :

如果你比佢食有油或者加工既野 ,

佢就會生蚤 ,

引至皮膚病 ! > _ <"

假如真係有皮膚病 ......

可以:

一 .

最好兩日幫佢沖一涼喇 ~

二 .

去買藥用沖涼粉 不過好貴 $ _ $ " 不過成功殺皮膚病高 !

三 .

( 特別情況 ) ( 要係病因-餵佢食高油份野 )

除佢靠沖涼粉外 ,

仲要唔好餵高油野外 ,

仲要餵d 菜 !

四 .

( 特別情況 )

真係十分嚴重的 ,

要放走佢出大自然 ,

雖佢會死 ,

但係都要忍心d做 ,

佢會有少機會染到你地 g a ! T . T








關於隻眼睛有D 白色既野 ,

係d眼屎 ,

買個時要睇要睇清楚 !

唔係太多都唔駛咁膽心 g a 喎 !

放心 ^_^





希望以上既野幫到你喇 ^ u ^