有沒有人到過澳門威尼斯人渡假村酒店住過呢?

我同老公9月7-9日去住咗3日2夜.

行程第一日 :

約12:15到達澳門碼頭, 一出碼頭想搵酒店巴士, 但沿途都無指示, 原來要一出碼頭, 過馬路去對面再向右面前行, 就會見到酒店巴士個站, 佢地的旅遊巴都好多(藍色的), 唔須要等!

到威尼斯人, 只係等咗5分鐘就check-in到, 都好順利. 上到房立即check 吓有無什麼東西欠缺, 都好好, 找不都錯漏. 值得一提是佢地的厠紙係用 "皇冠牌"貴格貨啦!

跟住我地放下行理李就四處參觀, 對酒店的評語只係覺得, 好大, 好靚, 好多人, 好多服務員工同埋要行好多好多路 ~ 遊玩設施暫時只係得戶外泳池開放, 但個pool好細, 好淺水(1米) 你地可以先行去參觀至決定游唔游水!! 我地只係晒咗一陣太陽就走, 一來因為個池好細, 二來係個池四边的境觀實在好差, 周圍都仲有建築工程, 好多木板同圍網, 好無渡假feel, 仲有好多服務員, 總有一個係你身边, 一時又問你叫唔叫飲品, 一時又問你要唔要濕紙巾, 又走過來同你傾下東講下西, 我覺得"煩"咗少少. (但實在又好nice的, 係我地唔多受的)!!!

(註 : 若要去游水的, 請book 房時要求入住"南翼"咁可以行少好多好多, 因為我住北翼, 起碼要行成10分鐘, 而且條走廊又長, 又暗, 冷氣又好凍, 雖然都有音樂播放, 但得我地兩個人行, 好似怪怪的!!)

肚餓可以去foodcourt (店舖都開得8成到, ok啦, 但好多人呀)

口渴可以隨時去樓下"賭場"有無限量供應的橙汁 (果汁先生), 可樂, 奶茶, 樽裝水 (要外出行街, 一定行過攞2支, 好過要比錢買呀)

關於賭場, 我之前去過LA果個, 相比下今次澳門威尼斯人真係好掂呀, 佢個賭場樓底高好多, 地方大好多!! 我今次都有賭少少呀, 哈, 我3日經過酒店出入都有玩老虎機(係最舊個款, 有個車里子的 ~ 因為只係識玩個款, 最簡單, 但全場只得5部係$1 舖的) 我3日係win 到 $100 蚊, 哈哈, 好過無啦!! 至於賭場, 人好多, 但都好斯文, 太大啦, 跟本行唔哂!

到check-out 個日, 原本酒店話要11:00check-out 的, 但我地一定未wake-up, 所以前一晚打電話冋receiption講話要延遲check-out到1:00pm, 酒店話ok, 真係好開心呀!! check-out個counter 好大, 都唔須要等就可以, 個女服務員都幾nice, 幾靚好, 又問我地意見等!! 酒店旅遊巴有3款免費路線你選擇, (1)去碼頭 (2)金莎酒店 (3)關閘 ~ 我3款都有搭, 無蝕底呀! 約出外行街, 最好搭巴士呀, 一來可以當遊車河, 而且全程多數係 $2.5一位, 同你行哂成個澳門市中心, 仲唔底!!! 搭的士係好, 但唔多車, 有時搵一輛都好難, 又怕的士司機會"doubt 路"又怕塞車, 都係搭巴士好!!

總括3日, 好開心, 可以大開眼介, 好滿意, 我想再住多次呀!

Very detail and informative

我在內裏做, 平日11am 也有30-40人等取房.
有免費巴士由碼頭到酒店, 我有時等20分鐘, 有時剛有車到, 車程15分鐘
28/8 早上威尼斯相 ( 未人頭湧湧時)


　

28/8 早上及5/9 影：　http://hk.myblog.yahoo.com/happykathyc/

　

之前影：　http://cheungkathy.spaces.live.com/

　

現在太多人了........

1.澳門澳門威尼斯人渡假村渡假村剛開幕不久, 尚未熟習運作 , 客人又多 ,
check-in 確是比較慢 , 希望遲些會有所改善.
2.套房以兩級樓梯分隔廳和房 , 廳也有房一樣大,
有兩部電視 , 床前一部 , 梳化前一部, 睡床很正.
3.浴室布浴缸和淋浴室, 用威尼斯人自己品牌浴品,
和君怡酒店一樣有爽身粉
4.迷你吧內食品飲料全要收費.
5. 窗外視野大多是地盤 , 但有居高臨下 的感覺,
晚上天黑黑望出去唔多覺既.
6. 由於忙於在賭場耍樂 , 沒有留意泳池.
7. 碼頭有免費專車接送到酒店的
**不要著黑白橫間tee ,
因為渡假村內門僮和服務員都穿上黑白橫間衫,
除非你有亳融入其中喇 !

我剛住完番來. 我地大約12點幾去到check-in,都排左成半個鐘隊先可以check in. 第2日我地11點去check out. 過程都ok. 你在碼頭要行過去對面馬路先有shuttle bus去威尼斯人,千其唔好去平時d shuttle停既地方,要行過對面馬路. d shuttle都好密下,上滿就開. 在酒店有free 既shuttle去碼頭,關閘,同埋金沙.

泳池不要收費,我地有去睇過.....要行無雷公甘遠,而且個泳池附近全部都係地盤,打塵滾滾,仲要無沖身既設施....所以我地都無swim. 有一點要主意,個泳池在南翼,if你住北翼仲要行遠d.我地亦唔見傳聞中既pool side bar.仲之唔好期望甘高啦.

have a nice trip.