新手想養水草，可選那些？

大多水草都鍾意偏酸水質，你用海沙 pH / gH / kH 都會升，老實講，真係唔適合種水草。除此之外，海沙冇肥，你要施肥先養到草。呢個基本上唔係適合水草o既生境。
所以如果要改善，起碼係要用河砂，完全取代海沙。以新手o黎講，黑泥當然更易控制 pH 同肥量，咁就基本上種乜都得啦。改用砂的話，就要小心控制肥、pH、kH，唔係新手話做到就做到；砂底要加基肥。但用砂種椒草會比較靚。
日常打理不外乎定時施肥，剪枯葉，留意有冇藻咁啦；水溫最好唔好高過２８度，高過的話有ｄ草會變黑或溶。

2007-09-09 00:35:12 補充：
椒草算係中性至陰性草，唔駛多光照，而且有ｄ椒草會有暗紅色，係陰草缸中加一兩棵點綴下相當好。而椒草往往係「先死而後生」o既，初種落後葉片會慢慢溶解，但只要根唔死就會再長新葉。椒草魚街唔多，而專買草o個幾間中，打袋賣o既o個間全部只寫住係椒草，唔講明種類。有一間係專賣ｔ牌呢個大牌子o既，可以上 http://www.tropica.com/default.asp ，研究下 Cryptocoryne 類。可放幾多草就係睇缸大細同埋你個景點做o既o者。清潔、設備方面其實與魚缸無異，但某ｄ草種不耐高溫，就要添購水冷囉。

2007-09-09 00:44:56 補充：
話「無異」又似乎有ｄ籠統，因為燈、過濾都一樣要，但又有ｄ唔同。我諗最重要係燈管啦，種草要用白光，色溫 6500-8000K；魚就可以冇咁講究，紫管睇魚仲靚。過濾最好用濾筒，因為可以o係密閉容器內過濾而o係水中出水，避免沖擊水面做成 co2 流失，過濾效能又好。當然，co2 氣樽連電磁閥錶頭 喉 細化器（造出極細氣泡加強溶解） 計泡器（估計 co2 出氣速度） 止逆閥（以免水回流入電磁閥）對大部份草都係必要o既。要搵高手，不如去水草情迷。我都係o係o個度學師。