問:點解要修補裂口?????

其實做成裂口係因為一些突如其來的消息所造成的~
好簡單假如美股上星期五急跌令星期一港股裂口低開~消息就美股急跌~
而美股急跌消息就係就業數據唔好~
就因為數據好壞心理情緒令市場情緒波動~但消息一旦消化後市場就會冷靜返~再次以合理水平去衡量股市市值，就會回復應有水平~
例子:如六月下旬宣佈QDII擴大，市場憧憬無限，港股一下突破橫行已久既阻力21000點升到23500樓上~但其實內陸資金到今時今日流左出來既又有幾多，有邊個知呀?最後D上升裂口咪一次係次按風暴中全部補曬~我覺得係心理作怪多D~

另外，其實經濟週期性不斷由盛轉衰，衰轉盛~股市亦係最反影市場經濟狀況而且極度敏感，所以一定有高有低~
例子:如98政府入市的上升裂口要到03沙士來臨時先補返，又有冇人記得~但講返轉頭咪又係因為基本因素出左變化先會下跌返去98年既低位~
其實升到如火如荼既時候邊個記咩裂口幾時要補，個個搶貨買，係要到炒呀炒，炒到過曬龍既時候就先諗起，哎呀，突然醒覺好似有D野漏低左未拎返咁，跟住就話要補裂口~
藉口-人為因素，唔係班大戶點高賣低買呢~所以我信係心理影響多過實際，反而我覺得實際因素及技術指標反而重可靠~

純屬個人意見，只供參考~