尋澳門地膽~送10分

咁多個地方，逐個答你都幾辛苦架（10分太少啦），盡量試下啦．
不過，如果要埋地圖，你就最好上呢度download個program，好詳細（地圖就睇到，不過貼唔到響呢度）：http://www.gis.gov.mo/GeoGuide/index.html
講返轉頭，的士佬都唔識就太離譜啦，唔識就唔係一個合格嘅司機啦（澳門有幾大吖？），佢新黎架？
澳門沙度娜~木糠布甸－－總店響觀音堂（普濟禪院）斜對面（如果響觀音堂出黎，背向觀音堂，面向美副將馬路，就響右前方，大約一個路口位），不過，而家佢已經大量生產，唔使去佢舖頭，周圍都有得賣啦；
新好利~豬排飽－（近大利來記，唔係近大利來），響氹仔舊城區黑橋對面，官也街口（向馬場方向，唔係向龍環葡韻／威尼斯人方向）向左轉直行，先經過小飛象，再向前行（馬路對面就係黑橋，好多食肆），就會見到寫住”燕窩撻”嗰張膠布，就係嗰度；
香島咖啡室~鹹牛通－響三盞燈，有放射狀嘅五條街，其中兩條街街口好多花檔，沿住比較闊嗰條（雙線行車），向前行會去到高士德馬路（路中間有大榕樹），就係響你左邊，路口角位嗰間咖啡室；
帝鈞~胡椒餅－永樂戲街口個角位，過馬路對面有條好似掘頭巷嘅街（即係粉紅色嘅勞工子弟學校側邊），街口有間麵店，入去條街就搵到（響右邊）；
祥記~蝦籽麵－就響福隆新街上，如果響營地大街右轉入去（會見到福隆葡國餐，西南飯店），福隆新街左右兩邊都係一D紅色門，紅色窗嘅舖頭，然後一路直行，祥記就響右邊（未到三元粥品），佢唔係紅色門窗嘅；
頤德行~豆腐花－響營地大街金馬輪旁邊左轉入去，一路直行過下馬路就會到（真係好難講清楚點去，因為經過嘅都係冇車行嘅橫街窄巷）；
安德魯餅店~葡撻－就響路環市中心迴旋處（休憩區）旁邊（向海邊行一兩間舖，響你嘅右邊，唔會見唔到）；
禮記~芋頭雪糕－就響荷蘭園上，荷蘭園嘅兩條行人天橋之間，如果依行車方向行，就響右邊（未到文化廣場）；
生利咖啡麵食~魚片炸/牛筋腩麵－響南灣”金來區”，近瑪嘉烈葡撻，馬統嶺街街口有間Geox（Geox對面係翠園酒家，另一邊對面係廠商會大廈），向前行，會見到”廣星傳訊”同埋一間水晶舖，右轉入去就會見到（D食客坐晒響門口）；
檳城風味－已經執咗好耐，嘉路米耶圓型地即係三盞燈，佢原來嘅位置好似開咗間屈臣氏；
龍華酒樓－就響紅街市對面，紅街市街口有間國際銀行，行入去，就響你正前方；

打咗半個鐘有多，俾下面啦．

2007-09-10 23:26:50 補充：
搞錯咗少少嘢，禮記係響荷蘭園嗰條行人天橋腳附近，如果由水坑尾向荷蘭行（行車方向），就係天橋再行前少少（三四間舖）．

你自己都全部答o西喇↓↓

1)澳門沙度娜~木糠布甸
2)新好利~豬排飽 (近大利來)
3)香島咖啡室~鹹牛通 (近三盞燈)
4)帝鈞~胡椒餅 大纜巷13號新業大廈地下A舖(近永樂戲院)
5)祥記~蝦籽麵 福隆新街68號(12nn-1am)
6)頤德行~豆腐花 澳門新埗頭街19號(7am -7pm)
7)安德魯餅店~葡撻 澳門路環撻沙街1號(7am –10:30pm)
8)禮記~芋頭雪糕 澳門荷蘭圍大馬路12號至12號A (12pm-9 pm)
9)生利咖啡麵食~魚片炸/牛筋腩麵 南灣馬統領17號DO地下金來大廈(瑪嘉烈葡撻側,7am-7pm)
10)檳城風味 澳門嘉路米耶圓型地6號A
11)龍華酒樓 罅些喇提督市北街5號(5:30 am –2:30pm)

巴士咪就去碼頭果度答
所有地方都去到嫁啦!!!!
問o下D站長o阿叔o拉!!!!

2007-09-08 23:59:52 補充：
地圖:http://www.gis.gov.mo/website/macau/macao1.htm