✔ 最佳答案
已經可以掂鼠b及鼠媽,可以沖涼,而且需要分籠了
A.其實21日大既鼠,已經係成鼠,同街買到既鼠冇分別(街賣既多數21日大左右),鼠b已經可以獨立,可以戒奶同分籠,分籠時可同佢地沖涼
唔好以為鼠b咁大個,鼠媽媽就唔會傷害佢地,鼠bb過左戒奶期,鼠媽媽就唔再對鼠鼠有感情了,只會普通一隻成鼠咁看待,而鼠爸爸,更加係完全地對鼠bb冇感情的,所以一定要分開鼠b同鼠爸媽,唔係就好易出現打交or亂倫既情況,都有網友既鼠出現24日大既鼠b被鼠媽媽咬既情況:
http://hk.knowledge. yahoo.com/question/? qid=7007070100930
B.倉鼠係獨居動物,在自然界鼠鼠只係發情時先一齊住,所以最好將鼠爸同鼠媽分開住,而鼠B最好都分開,就算同一胎都一樣會打交,我細個就係以為同一胎冇事,佢地好好感情就放埋一齊,結果害死不少鼠呢..
一籠多鼠唔止易打交OR繁殖,鼠鼠繁殖既速度十分之快,如非做生意等必要,希望你可以考慮唔好再繁殖佢地吧
而鼠媽媽生育都會令身體變差,令壽命減少,生得多次數就愈對鼠媽媽唔好
加上繁殖咁多鼠鼠出唻,係咪真係可以俾到好好既生活佢呢?都見到不少人太多鼠要搵地方收留,就算自己養得晒,都會好煩惱呢
我試過買左隻大肚鼠返唻,最後生左4隻,有2隻俾左同事,之後3隻鼠3個籠,打理上唻都不易,而且俾到既時候同質素,絕對地冇養一隻咁多
養倉鼠唻繁殖,因為真係有好多問題,如果你想倉鼠繁殖既話,希望你可以考慮一下以下幾點:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨…所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶
2007-09-08 18:07:28 補充：
戒奶既時候,仲會飲緊奶係正常既,但只要夠18-21日,而又唔會數錯日子,就可戒奶架啦唔將鼠bb同媽媽分開真係會好危險,一大一細鼠一齊,係好易出事既,鼠鼠戒奶後係唔會有親子關係,只會當一般鼠咁看待
