幇幇忙…(10分)

我中二,向中一個陣暗戀左班入面一個女同學,好少激嬲佢,而且一向都好樂意幫佢做事。唔知點解,佢好似唔係幾鐘意我。佢同其他男仔玩時,又說又笑;我好少機會同佢講o野,每次我同佢講o野o個陣,佢都好少對我笑。學期初o個陣,英文、美勞堂同課外活動都坐埋一齊,開頭都算傾得埋,我以為係天賜良"緣",就盡量表現自己,成績無啦啦升o左十幾倍。但係到o左囉獎o個日(我全級第六名),發現佢高過我三名,從此以後,朋友都笑我呢個"高材生"輸比女仔冇鬼用,o個個女同學都好少同我講o野。我以為佢睇唔起D差過佢o既人,於是決定追過佢。終於今個學期我高過佢十幾名(我學校有三個學期),以為今年會好D,點知仲衰過以前,除o左間中問我借功課抄(我次次都比佢抄),幾乎都唔理我。最近搭車、食飯、睡前、睡醒,甚至行街都想起佢,好辛苦。佢係唔係憎o左我?我有想過向佢表白,但覺得機會好微,於是冇做到。我係個唔識講o野o既人,想唔到話題,又找唔到機會,。依家又唔係同佢一班,接觸佢既機會好微,大家教下我,點先可以同佢做個好朋友呢?(最好可以得到佢o既芳心) …定係…我已經玩完…？