禽禽六 ？

-禽禽綠-原本正式叫法是擒擒青!

後來有些人認為青綠都一樣,特別d改叫擒擒綠!

廣東話形容做事求勝心切,不理後果叫-喉擒,大驚小怪的叫-驚青,兩者加在一起是-擒青-意思是求勝蓋過驚恐!

因此-擒青-是形容做事心急粗心大意,一定會出錯的意思!

-擒擒青-或-擒擒綠-比擒青更甚,有飛擒大咬的意思,為達目的,不擇手段,不理後果!

例句.....-

1,喂,慢慢食呀,d粥好滾呀,咁擒青會淥親呀!

2,佢鬼唔係飲飽水咩,見到靚女就擒擒青跳落泳池,唔記得自己唔識游水!