怎樣煮一個好味的出前一丁

先希望你留意以下數點
1. 煮麵時不要落味粉，以適當控制湯料濃度 (脫水蔬菜海鮮除外)
2. 水須浸過全個麵餅，確保加熱均勻
3. 水滾才下麵，確保麵是由 100oC (沸水)開始煮，並避免麵條下沉觸及煲底
4. 煮好馬上夾離熱水，避免過熟
5. 多個麵餅可一起煮，煮好後再分入不同碗內

現下是方法
1. 若果你有打算落(食送)，如餐肉旦，你應先把他們煮好備用。因為三分鐘不足以把它們煮好，用水灼的也沒煎那麼好吃
2. 洗乾淨煮食工具 (否則會有異味)
2. 先煮開水，水深要浸過整個麵餅，待水滾一會(1-2 min) 才放入麵餅
3. 放入麵，用筷輕輕壓下麵餅，留意麵餅外圍開始軟化 (約 1 min)
4. 輕輕將以軟化的麵條撥開，讓中間的部份均勻受熱
5. 待整個麵餅散開，再煮1-2 min 這視乎你希望得到的軟硬程度。我個人會用麵條的透明程度來決定。未煮的麵是不透明，熟透的是帶透明。我習慣煮到麵餅外圍的麵條變成透明，而麵餅中間的麵條則軟化但仍程不透明狀，這最好吃
6. 馬上! 馬上將麵夾離水，放在一乾碗內
7. 放調味包入另一碗中，加入剛才煮麵用的熱水。因應自己的口味，調節加水量和濃度。
8. 將調好的湯料倒入麵內，輕輕撥鬆麵條。
9. 放上餐肉旦 (如有)
10. 不要猶疑，馬上品嘗吧



1 用煲: 用細煲燒滾900cc水(水要能蓋過麪), 400cc水先用來開湯粉,麪煲二分四十秒, 其間唔好攬.煲完用長筷子一次全部夾起放湯中再落麻油, ~正 !

2 用微波爐 : 麪放碟中放滾水蓋過麪, 先叮一分鐘, 反轉麪餅再叮一分四十秒, 放湯粉攬勻再落麻油, ~都正 !





方法1 長筷子~攝~麪餅正中間下, 可一次全部夾起, 好似靚女D頭髮, 謂之色香味全 ! 補充時間：2006-09-22 17:30:24
再保充:
1 碎了的麪要棄掉(其實大家都應該知,不過無人提), 因影響賣相和口感.
2 技術型食法 : 麻油放中間唔好攬散, 即夾起麪條連大量麻油放口中, ~溫度`適中, ~口感一流, 香氣直沖腦袋 正是人間絕味, 無以尚之! 剩下來的? 肚餓自己食埋, 唔肚餓咪話比老公/婆知幫佢煮了麪.

我一向都唔識得計時; 純粹運用自己經驗及熟練手勢來煮心目中最好味的麵.

大火煲滾水, 水起蝦眼狀態就即落麵, 當麵開始由餅狀散開就用筷子略為攪動, 然後又即刻夾起.

倒咗d水再煲另一次蝦眼水, 落咗包湯料, 完全攪勻就熄火. 將個麵放入至湯浸到為止, 再好快手咁夾起麵條(唔連湯) 放入碗中; 將麻油倒入湯中攪勻, 先再將d湯放入碗麵, 食得.

如果有時間and一早預備咗冰塊, 我會係第一次煮麵後, 將d麵夾起放入冰塊, 到第二次的蝦眼水加湯粉變成湯後, 先放入去浸一浸湯水.

我比較鍾意食個口感硬d的麵; 不過, 我研究過, 其實可以skip咗第一次的水; 問題係所有動作要快. 尤其個麵餅開始散開, 唔好等佢完全散開晒做一條條, 因為已經開始軟. 到你再加湯料, 裝上碗食, 頭幾啖都OK, 但如果你唔係快槍手, 食得好慢, 到底果d已經幾林(無論係唔係丁麵都好).

相反, 如果你開始時唔好煮咁林咁散, 除非你食得超級慢, 否則, 一般我以十分鐘計, 食到最後都仲幾彈牙架!!

講到出前一丁,真係收唔到口, 各位仁兄仁姐多多包涵