出咗世得25日咋~! 急問!!!

hihi~~~^^
1.)我亞B未滿月時訓得好好,但一滿月後就成日好醒訓,有時會"札"醒跟住狂喊,留意到係因為"札"醒後冇人係身邊缺之安全感,因試過立即在他身邊發現他情緒好好多,後來比佢戴粒玉訓同整左個米袋放係佢心口比佢定驚,"札"醒倩況好左D,另外比D叮叮聲ga音樂佢聽都有助穩定倩緒.同埋BB如朝早出過街或見左好多生面口ga人(eg:帶佢去過健康院,你坐月時D朋友或親戚黎探你)都有可能令到亞B夜晚扭計特別厲害或比較醒訓,這是我的經驗同睇書講的.如"札"醒情況嚴重,可試比"保嬰丹"比BB食等佢定驚呀....我都買左看門口^^,大約$80蚊倒.....其實最主要係BB好需要安全感,更可況你亞B仲未滿月,不妨抱佢多D令佢有安全感呀,又可增進母子感情......
2.)我亞B佢又係同你亞B一樣,塊面仔同額頭都出咗好多紅色既粒粒,我試過整整一個月用金銀花幫佢抹面都冇用,仲愈出愈多好似爛面咁,睇到都覺得心痛><後來擺滿月酒時我有一個親戚介紹我用"癬奶樂"(SYNALAR)比佢搽面,佢話lee支藥膏好得,搽第二次己好返七七八八,係藥房有得買.但佢好返後就唔好幫佢搽喇,因逢親關於搽皮膚ga藥膏多數會有類固醇,但如果係比BB搽的,類固醇成分會比較輕D,所以好返後就唔好幫佢搽喇,你可買黎試呀!
3.)初生BB係會甩頭髮架!我亞B都係咁,依家甩到前額冇左D頭髮,搞到M字額呀....^^
不過係會生返出黎ga,放心....我奶奶話leeD係BB頭髮,係會甩架喎,遲D會生返D靚D出黎架喇.......^^

你唔好咁擔心喇,你生完好易有負面情緒架,有咩事都好多D同家人傾訴(eg:你老公or媽咪),或你可msn我呀([email protected]),可大家分享嘛照顧BB心得呀^^.....
祝你gaBB健健康康,活潑精靈......^^

2007-09-07 15:28:02 補充：
另想補充關於問題2,我個陣時都有帶佢see兒科醫生,個兒科醫生竟然話佢因油脂分泌旺盛,所以係額頭同面頰兩邊都會生暗瘡喎,佢話好多BB都有lee個情況出現,話當BB六個月以後會慢慢好轉,現階段冇藥膏搽,我心諗:,仲要等到六個月以後先慢慢好轉,死囉!!!好彩個親戚介紹隻藥膏比我亞B搽,如果唔係我諗我真係會望住亞B塊粒粒面等六個月後睇係咪有好轉.......哈哈,所以我好明白你心情,又擔心又焦急,So,希望幫倒你喇.......^^

1.ＢＢ係屬於淺層睡眠所以好易被外界環境影响而易扎醒，
醒後會因缺乏安全感而喊起來，我個Ｂ都成日喊醒，
後來我朋友介紹我用袍被包住小Ｂ( 好似係醫院姑娘用袍被包住ＢＢ咁)，
問題就解决了。（如果ＢＢ仲喊就加多個小小米袋扎住ＢＢ心口）
2.呢Ｄ應該係胎毒黎家，但亦有可能係奶癬，係ＢＢ常见的情形，
我個Ｂ都係咁，無倫係胎毒或奶癬都好，只要用脫脂綿加熟水，
幫ＢＢ抹面，每張綿要一下過抹，唔可以左兜右兜，
奶癬就一星期到就好。
3.絕對會，我個Ｂ都甩左成個幾月呀，因為果Ｄ係初毛，
初毛比較柔軟所以易甩。

你講以上都是初生ＢＢ的常見現像，都屬於正常既，
你不必太擔心。

最後祝母子平安!!!!!!!!!!!!! ^^

1. BB瞓得不好有很多原因, 如熱/冷, 發惡夢, 枕頭及床唔適合等, 可以換個枕頭/轉個睡覺的床試試.
2. 消化不良是有可能是奶粉不適合出現敏感, 如發現其他手腳都有可能是對某類東西敏感, 如章老丸, 有毛的布料/動物等有過感性, 需要觀察找病原. 你亦可在BB的大便中看情況, BB便便應輭輭糊狀的, 如果有異就要睇醫生.
3. BB 甩頭髮會有但不會很厲害, 本人亦建議你帶BB睇醫生
BB得25日, 按理可一早到健康院輪睇兒科, 只不過1-2小時可以不用等這麼久的, 另外, 你或可到私家兒科醫生看診, 亦無須久等.