二手樓如何成功賣出?為什麼香港人喜歡換樓?

先作市場調查, 為要賣嘅樓定一個合乎市價水平嘅價錢,然後放盤俾該區嘅地產代理,同時亦可以自已在報紙嘅地產分類廣告刋登廣告. 經濟日報逢星期六出版嘅"置業家居", 有一項服務,俾售樓業主自己將物業的照片和物業資料豋上去,用嚟介紹自已要賣嘅物業, 效果唔錯. 物業的內部, 最好執拾一下, 太殘舊的話,就略略修飾一下, 等層樓嘅賣相好啲丫嘛, 有啲人重專登將間屋表面裝修一下,連廁所廚房都換過晒然後賣高啲價添, 呢個都係好辦法嚟架. 有啲人重擺埋風水陣,長開長明燈, 以使快啲賣出間樓添, 不過就信不信由你嘞.
香港嘅環境狹窄, 一般人初次買嘅樓因為唔係咁夠錢所以買嘅可能都比理想中係細咗一啲, 所以當過得幾年, 收入好咗, 自然就會想換過一層大啲嘅嘞. 亦都有啲人好快就睇厭咗間屋嘅裝修, 但如果住緊嚟裝修又好麻煩, 就會索性買過間屋重新裝修而賣出自已原來嘅嗰間樓嘞.當然咁樣做, 大前提係大圍嘅經濟好, 原來間樓會好易賣出套現先至得喇, 如果好似前幾年沙士時全部二手樓冇晒市場嘅話就唔可以咁做嘞.

second hand property can be sold through property agents.