我既倉鼠就黎唔得啦..

A.養左一年半,隻鼠已經老了,如果係Russian hamster(小紫王,小灰霸,小銀弧) or Roborovski hamster(小露寶),仲係非常老了,的確需要心理準備,最好當然係帶佢睇獸醫啦

鼠鼠壽命好短,所以一個月對鼠鼠唻講都唔係短既時候,鼠鼠又年老,加上病菌在鼠鼠身上係可以惡化得非常快,所以鼠鼠有咩事都要盡快處理先得

B.雖然情況的確唔太理想,最好都係盡快睇醫生處理,如果唔會去既,都可以參考一下以下既資料,希望幫到你隻鼠吧

年老既鼠好易會有便泌既情況,而便泌既話,鼠鼠尾部都會濕濕地咁,老左既鼠好易因肛門一帶既肌肉鬆左,所以排泄會較困難

分辨便泌:
1)拎鼠鼠既排泄物上手咁下,最好係佢排出唻冇耐(過一陣,1分鐘度啦,即摸好易係好林),睇下會唔會好硬,唔洗擔心,佢身體冇咩事既話唔會好臭.其實最好係成日咁樣去檢查鼠鼠既排泄物,因為如果之前你冇掂過,就好難分係咪特別硬左,我成日都會咁做.
2)清晒個籠之後,再仔細留意佢既排泄物係咪真係少左
3)睇下鼠鼠排泄時會唔會好辛苦,平日休息又會唔會好痛苦咁縮埋一舊
4)便秘有時會見到佢肛門附近會濕濕地咁既
5)留意會唔會有排泄物塞住左

便秘處理方法:
1)將水放近鼠鼠訓覺既地方,必須確定水樽出水係冇問題(平日都要,但便秘時水份特別緊要)
2)可以俾少少橙既"衣"俾鼠鼠食,再睇下情況有冇改善,都唔得既話,俾極少極少既橙肉俾鼠鼠(大約半隻指甲大小),唔好俾菜,易有農藥但記得真係便秘先好俾,唔係一陣攪到隻鼠肚瀉就慘
3)到鼠鼠年老時,如果有便秘既情況,其實係可以用手輕輕力按排泄位,幫鼠鼠推D排泄物出唻,不過真係要輕力,冇把握就唔好試了
4)情況都冇改善(2日度啦),就必須睇獸醫處理

C.如果鼠鼠不幸死亡,可以參考以下既處理方法

1)掉落垃圾桶
我多數會用鼠鼠訓開既瞭望台加紙盒or紙盒裝住死去既鼠
加大量木糠在底,放上鼠屍,再加木糠及鼠糧,再用封箱膠紙封好個盒,再用袋袋好,再封住個袋,先直接掉去垃圾房or垃圾桶,最好盡快去到垃圾箱.

美國唻講,應該放去黑色分類既垃圾桶吧?

2)交獸醫處理
可以交俾獸醫去代為處理動物屍體,唔知美國係點,香港就會堆去堆田區or火化

3)寵物善終服務
唔知你度有冇一d寵物善終服務,香港一般寵物善終服務就會將動物火化,再可以俾人帶返骨灰走既

4)土葬
我唔了解美國可唔可以自行埋葬動物屍體去後園,不過香港咁做就係犯法既

鼠鼠死亡有以下事情需要留意:

1)澈底同鼠鼠既籠同用品消毒先放第隻鼠入去,可以洗好之後用消毒藥水(用呢個就要風乾,再放一段時間先可再用,唔係會有殘留物質在上就唔好啦),動物專用消毒劑or牙膏去清理

2)如果同時有第隻鼠鼠同死去既鼠有接觸,就要小心檢查健在既鼠會唔會有咩病,睇下死去既鼠會唔會有菌or有病傳染俾鼠鼠,都要睇下餘下既鼠鼠有冇外傷,排泄物同身體有冇異常

3當然,都要調節個人及身邊既人對鼠鼠死亡既悲傷心情

希望你既鼠冇事啦

其實養寵物, 由一開始便要有這心理準備的>_<
畢竟人壽比動物的長(龜類除外), 而且生離死別, 也是人生必經的階段,
我之前也養過鸚鵡, 還是由未(孚)出來開始照顧牠了, 足足養到牠十歲(人的八十歲)
我當了牠是自己的仔女般, 牠走的時候, 我都很不捨得:(
至於為何一個月變化咁大, 其實有很多原因的, 牠們特別容易有腸胃問題,
我隻鸚鵡個時都有你倉鼠的症狀, 獸醫說牠腸胃出事,
雖然吃了藥, 但都無效!!!
過了一星期後, 牠便瘦到皮包骨, 連站都站不到, 水都喝不到:(
牠還經常抽筋,我看到真是很心痛><
但我無再帶牠看獸醫, 反而陪在牠身邊, 陪牠走完最後的路...........

我建議你先帶牠去看獸醫,
外國好似有一間"藍十字"(Blue Cross), 是動物診所,
收費都幾大眾化, 你可以去那裏一試的

不過, 你真是要有心理準備,
因為獸醫很多時一看到這種, 連行路, 進食都有困難的寵物,
都會說:如果牠在自然間的, 便一早被猛獸食了....命不久而....
到時你便要自己決定......

當然世事未必這麼悲觀的, 都是先給專業人事看下才吧!

真係錫佢唔想放棄佢或者唔想佢辛苦o既應該帶佢去睇獸醫
大圍有間動物醫院可以睇鼠類小動物
o係yahoo 可以search到佢地網址
要打電話預約
我上個月去睇診金$400.