✔ 最佳答案
其實最好去補習, 好搵, 時間短...
係超市, 街 等貼廣告... 問下鄰居街坊的小朋友家長...
定價大約係 (每小時)
小學 : 50 至 百幾 到~~
中學 : 70 以上....
(你可以上網, 街招參考返其他人嘅定價~ )
M 記, 冒險樂園, 便利店, 超市收銀/理貨, 快餐店, 宜家傢俬, 馬會, 時裝店...等
首先, 其實好多店舖一開始, 佢地唔會咁就你時間, 你想返咩時間就返咩時間~~ 除非, 佢地啱啱好那個時間沒人手就話... 你只好做住一段時間係佢地編 (你一開始當然要客氣D 話俾佢地聽, 你要返學溫書, 有少少時間唔得咁... 一來你自己能力範圍返到, 二來俾定個心理準備佢地 你返得少時間 ) 如果你嘅表現好, 同個到D 人熟絡, 多數見你係學生, 你個陣咪再要求返得嘅時間, 個D 人多數都肯~~
其實, 找PART TIME呢家嘢... 好講運... 要啱自己時間又要啱自己能力~~ 最緊要你LIKE 唔LIKE 個份工
你都可以升中六, 咁咪俾D 心機讀書, 完成個A-LEVEL 再升大學~~ 依家PART TIME D 錢只係啱啱夠你零用下咁... 當你高D 學歷, 錢咪仲搵多D~~ 人生工作嘅時間比讀書時間仲長... 你就好好啱ENJOY 埋你嘅學生生涯~~ 工作中嘅受氣辛苦... 到時多得俾你受~~
PART TIME 了... 你可能會學到多D 又多咗錢... 但學業上可能會差咗... 呢樣要自己留意返啦 =]
希望你找到一份啱你嘅工作, 學業順利!
