我感到好大壓力..

我bb女依家3個月, 我同你一樣, 女女出世後, 發覺自己有d唔對勁, 因為我第一胎, 又唔係好識照顧bb, 成日比好大壓力自己, 驚整親bb, 當時都好辛苦.
我bb當初日夜顛倒, 日間大覺瞓, 晚間就好似看更咁唔瞓覺, 總要扭抱, 一放低落床就喊到拆天咁. 我都好慘.

我地2公婆都無得瞓, 晚晚同bb玩通宵, 正確d講係比佢玩, 因為佢唔瞓覺. 由凌晨1點開始扭到5點幾先肯瞓, 那當然我地都謝哂啦, 最慘係我老公, 第二朝總要起身返工, 一d精神都無..

我好彩都有媽咪同家姐陪我同幫手, 減低我d壓力, 我又可以叫佢地幫我看住bb先, 自己瞓一陣, 等自己舒服d同精神返d ma.

其實每一個父母都會經過依d時候, 所以要放鬆, 唔好比咁大壓力自己, 如果你驚bb"付"被, 咁你可以用bb包被包實佢, 再唔係就用一條大毛巾包佢, 係醫院都係用大毛巾包啦, 跟住將佢個身打側, 因為驚佢嘔奶.咁你就唔會担心佢"付"被啦.

初生bb最好穿長身和尚袍, 因為佢地未識感覺涷同熱, 袛要唔好露出膝頭哥就得喇, 因為驚冷到ma.. 而自己就要穿多一件外套同長褲, 因為生完會感覺涷d, 咁你都無咁容易涷親.

記住放鬆d自己, 揾人幫下你, 叫你老公幫你喂下奶, 等你休息陣, 聽下歌relax下, 咁你咪無咁大壓力囉.

當你見bb一日一日咁長大, 你會好開心, 我bb個幾月已經"le le lur lur"咁同我講野, 唔停口. 2 個月就跟我一齊唱歌, 雖然佢唱bb話, 但好好笑呀... 第日到你bb大d, 同你講野同玩, 你就會好開心同無壓力喇...

記住放鬆d, 平常心, 努力比心機...

祝你同bb 身體健康, 大家都肥肥白白...

我沒有孩子，但我聽說市面有些嬰兒產品可固定ｂｂ的位置，那麼便不怕ｂｂ會”反”身，焗到自己．

另外你可以做／買些大小能讓ｂｂ握在手裹的枕頭或豆袋，ｂｂ握著它們會較有安全感，希望他／她能睡得好些，晚上不會那麼容易醒，讓你也能睡好些．此外ｂｂ睡得好，身體自然會較好，你便不用那麼擔心了．

希望可以幫到你，
支持你，
母愛萬歲！

想當年我生大仔時都好似你咁, 初為人母咩都唔識,又怕bb呢樣o個樣(我都係自己緊張左o的), 又無人幫手自己又要返工, 放工返到屋企又要湊bb喂夜奶,所以壓力好大成日都咸, 之後到左大仔3個月時我先放鬆o的(其間有朋友家人開解我), 到我生第二件時就無呢o的情況喇, 因自己一來已經生左個大仔有經驗, 二來之前我已經叫定人同我坐月, 其實你都應該搵家人幫o下你手湊bb(一日半日都好)等自己輕鬆一下先得, 唔好樣樣都咁緊張, 如果唔得就要搵朋友/家人/老公傾o下, 傾完真係舒服好多傢, 如怕bb"付"被咁你咪幫bb著件背心仔, 你幫bb"禽"被記住要將佢隻手仔放係張被出面仲要將張被攝小小係bb身體背部,等佢自己壓住張被仔,因為驚佢哭時隻手將張被蓋過自己個頭仔, 我細仔都成日"付"被, 仲要係開左冷氣,有時我起身先知, 但佢又唔會病o架喎, 記住最緊要係自己放鬆o的唔好咁緊張呀,如果唔係又湊唔到bb, 自己有左精神病(例如焦慮症), 咁bb就無人照顧仲慘, 係咪 ^.^

是這樣的沒法....
一般bb頭幾個星期都會 日夜顛倒的
日間就成日訓, 夜上又唔訓望著你

但真係要迫自己放鬆d
夜上要同人輪人看管bb

過在1, 2個月便可好一點.....

俾心機吧