學校可以因為頭髮問題而記過嗎?

返學係讀書而唔係做 Show，所以學校都希望學生們都整整齊齊似返個樣，唔好一點金一點紅，Set 到古靈精怪，而且你一日著校服都係代表緊你間學校，你個形象係會影響到人地點睇你間學校，所以學校當然唔想你地個個鬼五馬六，一陣俾人話間學校冇紀律，於是為左同一標準而訂下校規，要各位同學遵守。

社會冇話規定唔俾你整到個頭鬼五馬六，冇話唔俾你著到奇裝異服，不過只限於在你的私人時間裡面，如果你做某種工作係要著制服，你係唔可以唔著，女仔長頭髮要扎辮唔可以唔扎，男仔唔戴得耳環就一定要除；如果你出去食飯、放工要著著制服返屋企，出到街你都要檢點唔可以影衰公司的形象，因為你套制服就係代表公司，你響街度見Ｄ空中小姐返機場返屋企時，個個個頭都扎到一舊唔會放落黎，一路行個外觀都係要斯斯文文一副有禮有教養咁款，唔會週街食煙講粗口篤魚蛋，因為佢地如果俾人見到咁投訴，隨時會俾公司以影響公司形象而紀律處分（可能炖冬菇、大則炒魷魚）。如果一Ｄ公司／機構規定要你著西裝、套裝返工，你著牛仔褲波鞋返左去，公司一樣可以處分你，俾老世鬧到狗血淋頭，仲可以罰你錢（如果有講明），又可以叫你返屋企換衫，不過當你遲大到扣人工……一係就唔好做哩Ｄ行業，轉去可以任你著乜都得的行業發展。

而學校其實就係外面公司機構的縮影，一樣有佢的規舉，一樣有要遵守的制度，一日你身份係哩間學校的學生，一日你都要跟據佢出的規章辦事，咁一個學生仔又冇理由罰錢，冇得扣人工，當然唔可以體罰啦，咁用記過處分來警惕學生係唯一而最好的做法；你可以一放學即刻除哂校服摷到個頭亂哂噴到一忽紅一忽藍，戴環戴到落腳趾尾，但係一日著校服時就要記得自己仲係一個學生，係一個有紀律的人，哩個係學校想做到的目的。明明？

你太多次米唔的囖，，第一次都有罰留堂

可以的
要睇返你間學校d校規

1. 不同學校有不同的校規及尺度
2. 要睇返你學校校規裡有冇寫明, 頭髮上有問題 (大問題 / 小問題) 的處罰
3. 都係個一句, 返學校平凡少少好