結婚擺酒前大約幾時過大禮? 同要準備d 咩?

我下星期都過大禮, 不過好簡單因大家家長無乜要求, 你點都要問吓你地自己家長有咩要求.

1. 唐餅 - 女家定數量, 我就買左18斤 (1斤4件同款餅) 再+18張唐餅卡包括兩對龍鳳餅, 八折奇華千六蚊到. 先送女家, 最少回八個餅+一對龍鳳餅男家, 龍鳳餅要放雪櫃留上頭時再拜神用, 唔好食左佢呀.
2. 去金都買過大禮籃, 一籃女家, 一籃男家, 去完女家就回一籃反男家, 最少一星期前要訂因有d鬆榚佢地都會搞埋, 順便買埋男女家上頭的架生, 一千蚊樓下, 金都走兩個圈你就搵到架啦. 訂左係過大禮果朝先攞. 兩個籃都有齊一般需要既野, 好方便.
3. 利是 - 代表了生雞, 海味等等, 都折現算啦, 係比女家, 一半回反比男家, 多少自己決定, 我就幾千蚊到.
4. 生果一籃, 回一半或隨意男家
5. 4個金 - 即男家要買一套手飾包括頸錬, 手錬, ear ring, 介子共4種金, 出門果日新娘要戴. 過大禮送比新娘子的嫁妝.

我就係咁多, 你可以再加馬.

[url=http://www.vivibride.com.tw/web/vivi_bbs/index.php?fromuid=111]VIVI FANS俱樂部[/url]

1.大約一個月前。
2.現時過大禮，已改用利是代替。我在今年初結婚，除了禮餅外，其他全用利是代替。