紮鐵工人真係夠啦~ 大家有咩睇法?

讚成！
你有自由罷工，人地都有自由開工。
但罷工工人現在是騎虎樣下，心急亦是可以理解的，但可以理解並不代表可以原諒。
反而我最反感的是為了撈政治本錢，而攪風攪雨的政黨，好似做 show 噤。

2007-09-05 13:52:59 補充：
其實紮鐵工人罷工一開始就開爛左個頭，係中環瞓馬路砠塞交通，失去市民的支持，策略錯誤，可惜！

情形就有如捉棋、 打牌、買馬等情況一樣, 雙方邊面贏或輸, 公平
結果, 勝負自各有成因, 但最最乞人憎者莫過於有「塘邊鶴」, 錯誤
引導, 影響結果, 造成不公平現象, 輕信蠶言, 慘遭利用, 有如夫妻不
和可以慢慢傾到和呀, 點知有人煽風點火, 攪到大打出手比人睇, 個
觀眾就梗係睇得開心啦, 仲教佢點打至夠勁添, 打耐啲, 娛樂耐啲嘛!
所以如果有不滿, 切忌反面, 慢慢傾嘅成交可能性, 一定會大得多啦!
唔好再比果位「李卓含」先生害到無人請你開工呀!

參考資料:
民主界的恥辱!

唉 .. 其實佢地真係好慘架, 佢地的工作係日曬雨淋, 佢地話就話要 $950.00 , 到頭來都唔知有無丫, 你地試吓去旺角. 深水x , 睇吓先la, e.g裝修師父一般 800.00一工, 而佢地 ( 內地黑工) 300, or 400 都做, 咁佢地又點 .... , 而且 分分鐘有汗出, 無糧出, 又點, 勞工署及政府又做到d 咩丫, 幾多地盤走數, 請黑工, 跟住報警拉黑工, 人工都唔駛比, 邊個係大贏家, 咪政府同地產商 law, 邊個造成, 咪政府 law, 勾地要高價, 賣樓要低成本, 咪地產 law, 佢地都係想訴吓苦, 可能只係用錯在方式 ...

我絕對支持成班紮鐵工人呀！

一班紮鐵工人為左生計，而且仲要養起成頭家添，只得600元左右的工資，真係好難涯架！更何況，他們又唔係成日斬都有工開，真係好值得我地大眾市民的支持架！他地之所以每日都叫其他工人一齊罷工，係想全港的紮鐵工人一齊企出黎，爭取合理的工資(950元)同埋合理的工時(八小時)，想大眾團結D呀！他地又咩唔妥呢？

再者，我覺得果班紮鐵工人意志好堅定，我諗一般人一拿完果300元就立即走人啦，但係值得高興的係他地拿左果300元津貼之後，仲每日堅持罷工，繼續撐到底，所以我真係好服他地架！不知不覺，他地已經撐左足足29日啦，真係好唔容易架。另外，我覺得近日黎班紮鐵工人都好和平咁罷工呀。我都唔明白點解會有咁多人都反對班工人架！最重要的係，他地並唔係只係幫自己爭取權益架，他地咁辛苦、又冒著成個月都無開工、無收入的危險，係為左全香港的紮鐵工人同埋打工仔架！你估日日都去示威、罷工係好好玩架咩？他地咁做唔係為自己架！你估果班紮鐵工人好似那D無良、冷血、無人性的商家佬咁自私架咩！

*我知道的的回答，好多人都唔會支持，因為大家的觀點與角度都好唔同！我只係想其他人明白果班紮鐵工人唔係你地所講，咁自私、咁唔顧香港市民架！他地的行為真係好值得我地嘉許架！

撐到底呀！紮鐵工人！
堅持罷工呀！

2007-09-05 18:59:29 補充：
補充﹕其實果型紮鐵工人已經將要求降低左好多、已經同D商家佬作出好大的讓步架啦！他地初時一定要950元，但係而家他地900都肯接受啦，只不過係有D好無良的商家佬出爾反爾咋！你估他地唔想盡快解決依次的工潮架咩？果班工人都好想可以盡快復工，維持生計架！你地唔好再對班紮鐵工人有誤解啦，各位！

有基金支持罷工的工人開飯的,
應該團結一致力爭到底, 否則罷工必失敗.
罷工工人要守法,注意自已的行為, 才能得到社會支持.
九百五, 八小時工作, 不能讓步, 不能被分化.

我的睇法跟你好類同,我都好希望他們可以爭取到他們想要的福利,但這也顯示了這個城市的一些怪現象,我相信在這件事有好多人都有吾同的隱憂.
大家要知道其他要開工的工人可能係有一定的負擔,手停口停,希望正在罷工的紮鐵工要太激進的去干預他人開工的自由了,每個人都有權選擇的,他們雖然開工但也可以在精神上支持其他工人的,我吾希望見到有不愉快的事件發生,吾希望這個行動拖得太耐,對任何人/香港經濟,都是沒有好處的.
我在這裏呼籲代表任何一方的任何角色為了家人盡早妥協,把底線放低些少啦!!!!!

佢地好惨,依家政府.........哎....................

紮鐵工人通常都是散工, 好少長工.
學識又低又不去進修, 遲些連工都無得做. 風光不再.