我同我男朋友一齊五年幾啦，佢對我好好，對我仲好過對佢自己，所以我覺得好幸福，慢慢將佢為我做既野變成必然咁，成日發佢脾氣，但佢所有野都就晒我。可惜今年暑假，佢識左個女仔，之後同我講分手，我好傷心呀，我用盡方法去挽留呢段感情。我知我以前唔係一 個好既女朋友，所以係我未發現佢個心有第二個女仔時，我已經決定要做一個好既女朋友。我而家同返我男朋友一齊，我做左好多以前唔會做既野。我係街度等佢放工等左4個鍾，我發覺原來我好愛佢，佢係我心中既地位是任何人都唔可能取代，每一刻我都想同他一齊。當佢同我一齊個時我就好開心，即使佢冇以前咁愛我，佢既一句關心說話，一個擁抱都令我甜到入心。可惜當佢唔係我身邊時，我就會好驚，驚佢同個女仔聯絡，佢今個月講左好多大話騙我呀，佢送左我最鐘意既公仔比個女仔呀。我好傷心呀，佢應承我唔同個女仔聯絡，但佢同個女仔send sms直到見我既前一刻。我雖然好傷心，但係我知失去佢我更傷心，我只好唔去諗佢地發生既事，但我承應呢d事都係我心中留下刺。最後，佢send sms比個女仔話以後唔再聯絡，但係個女仔依然會搵我男友，我驚佢會比人搶走。我知佢都仲愛我咖。我要點做先可以令佢更加愛我呀?
更新1:
我男朋友同我分左手啦。佢話已經唔愛我啦，我都依然好愛佢，不過為左佢，我願意放手啦，佢話同我一齊好辛苦，已經搵唔返以前既感覺。雖然同佢做唔到情人，我都希望佢可以做我最好既朋友呀。唔知點解，到而家我都係好想將我發生既所有事同佢講呀。以前我就係因為學業而忽略左佢，而佢亦都係我讀書既最大動力，呢個星期我都冇心機上堂，之前個幾日就諗住點樣令佢開心，而家就係迫自己唔好諗佢呀‧有其他男仔追緊我呀，仲對我好好，當然到而家都未有一個令我心動啦。即使佢地對我好，好到夜晚搭左$200的士搵我，諗住用二萬蚊黎buy我鐘意既野，約我出街，想陪我溫書，都比我reject左，我都只係想同我男朋友出。我係唔係好傻呀?
