我係屋主,咁已經簽左臨時租約ga la,咁應該要等幾耐先會簽埋張正式租約

你層樓係經經紀租出嘅, 咁喺臨時合約度應該會有寫明幾時之前要簽正式租約, 如非經對方同意而唔能夠喺呢個日期前簽正式租約, 係會俾人當毀約嘅.
不過, 我想提提你, 無論你有冇俾免租期俾租客都好, 為保障你自己, 請切記一定要喺交 鎖匙俾租客之前簽好份正式租約, 先至好交匙俾租客, 如果嗰兩個月按金(一般係兩個月按金一個月上期, 減番簽臨約時俾嘅臨時訂金, 租客尚要俾你嘅數)租客係俾現金嘅話, 簽咗正約同收齊現金就可以交匙俾租客嘞, 但如果租客係俾支票的話, 你就要提早兩天(唔計星期六星期日同埋公眾假期), 簽咗正約收埋支票入埋銀行等埋冇退票,先至好交匙俾租客呀.唔好收咗支票就交匙呀, 唔係退票點算呀, 係咪?你最好叫經紀先問定租客, 以便及早安排.。

係咪係地產公司簽架？如果係個地產經紀會幫你！通常都係睇個租客佢想早要樓咪早d收晒按金同上期！不過佢都有權要求你比裝修期通常係3-5日不等，你地可商量！不過最緊要叫地產公司幫你去打厘印呀！保障自己！其實通常係簽臨時租約後一個禮拜內！你可同地產公司傾！不過臨時租約會寫明喎？未比晒錢千祈咪比鎖匙佢呀！小心唯上！