有冇公務員媽咪?在東區醫院生bb好嗎?or QE好?

你家住近東區，當然是到東區醫院生 bb 會較為方便啦！請你記住，生 bb 係你自己和你 husband 嘅事，你要你的 husband 和親人去 照顧你，你都唔想佢地咁辛苦需要長途跋涉，東區屋企 - QE 兩邊走啦！仲有，萬一當你在家中作動時，需要到急症室入院，你自己話去東區醫院會方便啲？還是去 QE 會方便啲吖？
雖然 QE 是九龍區的龍頭醫院，感覺上好似好好、好正，新大樓很新淨。不過，QE 亦是九龍區工作量最繁重的醫院之一，病房入住率相當高，既然有咁多病人入住，病人多就自然較為混亂，環境好極有限啦！相反，東區醫院的工作量沒有 QE 咁繁重，而且東區醫院的環境和設備，甚至婦產科醫生的經驗，絕對比得上 QE 這些龍頭醫院。(其實你自己知不知道 ka，東區醫院成立初期，那裡的婦產科醫生班子是從西區的那打素醫院調任到東區醫院工作，那打素醫院的婦產科是很出名哩！)
至於你問，你想用 GF181 去住二等房，就要視乎醫院的婦產科有沒有足夠的二等房床位可以提供給你。仲有，你本身是公務員，你可以先向你所屬的部門查詢。你亦可以致電向東區醫院查問公務員入住二等房的詳細資料，東區醫院的查詢電話是 Tel: 2595 6111 (Shroff Office 2595 6189) (Admission Office 2595 6197)

2007-09-07 01:07:24 補充：
你家住東區，既然兩間醫院的質素相差不大嘅，何解還要花時間花車費花精力，要堅持去到老遠嘅 QE 生 bb 呢？你有一點更必須要去考慮嘅，假如情況緊急，需要立即到醫院接受治療，你還可以堅持到底，長途跋涉的走到老遠的 QE 嗎？(到時痛起上嚟，痛到昏迷都仲未到 QE 啦！)仲有，你諗住搭的士到 QE 呀？你老公用車載你到 QE 咩？假如你諗住叫救護車，救護車只會送你到最近的 A&E ka 咋？(難道你入不到 QE 就唔生得咩？)請你自己再三思吧！

唔知東區醫院生ＢＢ好唔好，聽過人講都幾好．而我生的時候在QE生，都覺得QE幾好，妳只需同姑娘講話係公務員/家屬都可申請住二等房咖，不過視乎當時多唔多人排二等房，我生的時候，都有好多人等二等房，我都要在大房住咗幾日至有二等房轉，我聽私家醫生講過，以九龍嚟講，QE嘅設備齊全，香港就係瑪麗，以政府醫院嚟講，哩兩間醫院係為一可選．所以當時我選擇咗QE生．

我不是公務員﹐也不是媽媽﹐但是我太太生兩個﹐都是去東區的。
有人做過調查﹐大家公認產科最好的三家公立醫院﹐順次序是廣華﹐東區和瑪麗。
QE不在“最好”之列﹐排第幾我倒不知道。

你係咪公務員家屬？你可以打電話問下