有無人近排跟團去布吉...?

我 3 月去過跟東瀛遊 , 格晒價都係佢最抵 , 好似 $ 2.4 k ~ $ 2.5 k / 5 日 !!
布吉有分喀比同巴東兩邊團 , 我o地揀左去巴東o個邊 , 住o既係巴東 resort , 雖然稱不上靚 , 不過勝在位置非常方便 , 因為每晚行夜市同食宵夜 , 只要行大概 5 分鐘就去到 , o個區好熱鬧 , 有食o既地方 , 有 bar o既地方 , 有睇泰拳o既地方 , 有個小 shopping mall , table dance 同人妖o既地方都有 , 行程主要去左兩個島 - 哈哈島(包)同鳥蛋島 (自費) , 不過一定要去 , 勁靚 , 哈哈島有水上活動玩 (e.g. 海底漫步 , 香蕉船 , 水上電單車) , 但鳥蛋島就只得浮潛同餵魚 , 同埋島上係無得沖身 , 要返到船公司先有 , 不過唔使驚 , 好快可以返到去 , 同埋o的水無哈哈島咁咸 , o個度o的水但呢度真係極度推介呀 !! 至於o個個奇幻不夜城 , 真係唔好去 , 去到個個都 O 晒咀 , 真係寧願返酒店游下水好過 , o個度個自助餐仲要索價 700 泰銖 , 唔食無得食 , o的團友話仲貴過巴東 resort 隔離間 holiday inn 呀 , 所以去唔去就自己諗啦 !!

總括o黎講 , 好好玩好靚好 relax , 只不過o個個奇幻不夜城令呢個 trip 留有污點o者 !!

剛於上月去過(自由行),去咗兩個灘kalon beach(卡龍) 同 patong beach(巴東),係呢兩個地方都住咗幾日,卡龍比較靜d(但有渡假feel),巴東就很旺,尤其係晚上條酒吧街會好多人(好似去咗外國好多鬼佬),想去其他地方都有,如:zoo(有三個show睇大象'鱷魚'猴子),fantasy(大型表演),騎大象(建議唔好騎,又貴又辛苦),睇蛇show,想玩水上活動都好多.