我自已返左第一日語暨文化學校既課程半年,初級頭三個月是日本人教,中級以上由中國人教,我鍾意佢唔駛一次過俾晒學費,逐個月咁俾, 又可以隨時可以插班,咁如果我知道自己下一個月唔得閒, 有考試/出差就可以停一個月先,唔會浪費時間及學費,好flexible。
我報左「4級能力試課程」,由福吉老師教,佢會教基本既平假名、片假名及漢字,教相關既詞語及日常會話, 會要我地識寫識讀及會默書,每堂都有課後練習叫我地做,跟住下一堂再對答案,分析下d答案同grammar,句子結構等。上堂時佢會用中文及日文,因為佢只講日文你都聽唔明啦~
有時亦會播帶俾大家聽做練習聆聽,Miss / 阿Sir都講得好清楚,我自己報名前都做過下research問過d人既意見,福吉老師、黑木老師、藤武老師及田島老師都唔錯,幾細心同清楚,佢地都係日本人但識講同寫中文,唔怕會有溝通唔到既情況出現。而且佢既價錢又唔貴,又可以申請政府既持續進修基金,Claim番80%學費 (有附帶條件)。
同埋我自己覺得一星期上一堂2.5小時已經足夠,因為你自己都要時間吸收同消化,記下生字,睇下日本節目/日劇,仲要時間溫習,個d太push同太趕既課程唔適合我。
例如HKU space / 日經/日本文化協會等, 你自己考慮下啦~
http://www.daiichi-school.edu.hk/
呢個係佢地既網站,你可以睇下資料同有咩班識合你。我個人認為你可以報讀高班了, 不過你打去問清楚一點比較好。$370 , 10 hours / month
希望呢啲資料可以幫到你~ ^^