選購17或19吋的LCD Mon

首先我想講解一下乜野叫做更換週期, 如果你明白呢個意思對你日後要買任何產品都有一定既好處. 更換週期最簡單就系你買入1件野, 相距下次再買入同類產品的間距.
作為電話產品, 顯示器(Mon)既更換週期相對電腦其他配件黎講系最長更換週期既物品之一, 因此應該投入比較多資金去買Mon, 我地會發現你企屋換左幾部主機, 可能都系用同一隻Mon, 因此為未來長遠計, 我應得有能力的話"必須要"買19" LCD Mon, 而且要系Wide LCD, 因為未來大勢必定走向Wide LCD發展. 而你而家新LCD一般都有DVI插口, DVI插口其實系FOR未來高清數碼電視用. 電腦其實有無我覺得暫時來睇唔系好重要. 所以買Mon未必要考慮呢個因素.
而牌子方面我建議你先去睇LG, SAMSUNG, PHILIPS都系唔錯既選擇, ACER, TOPCON唔好用啦, 你將來一定後悔, 因為呢d牌子價錢相對系平d, 但1分錢1分貨, 用料方面真系差d, 另外你要買Mon既時候你要買清楚保養期, 無3年以上最好唔好買啦~ 而家大部份都系3年以上包工包料, 或第1年全包, 第2,3年部份包. 因為個Mon一般用3-5年, 如果買入保1-2年而系第3年壞左, 甘就好唔抵啦~
而買Mon既時候記得要同sales講要包0死點同光點, 你有心買佢通常都會包, 如果唔包你最好唔好買啦~ 因為根據我經驗, 其實d sales都知道邊隻Mon有死點光點問題, 如果你唔留意唔提出, 佢地唔會同你講, 叫做有d奸奸地啦~ 所以一定要包0死點光點, 我買過既LCD Mon無一次系話唔幫我包0死點0光點, 不過無一次系一開口就話包, 都系同佢講一大輪先答應包比我. 而且一般都可以講少少價, 比cash會平d, 而且平完仲可以問佢羅d free gift. 不過free gift就要睇你有無牙力啦~
因為而家"腦"場LCD價間間"標"出來都差唔系好多, 而且都系海鮮價, 所以價錢就唔比你啦, 有心買搵日去行3圈左右了解一下, 再搵一間標價低D既去講下價啦~
有其他電腦問題都可以問我. 樂意解答!

************************************************************************************************
來智識+搵智識家解答問題, 希望我系你要搵既智識家, 可以被你評為最佳答案! 謝謝!

2007-09-04 17:28:05 補充：
首先多謝monwmh2000同意我的觀點, 當中monwmh2000提到有關比對度的問題, 其實我地買Mon千萬唔好相信佢地所講既1000:1 2000:1或其他呢d"數據", 因為Mon唔同hdd或者ram, 數據可以話系絕對唔可靠, 你要信相你自己雙眼, 有時太光反而令到自己唔舒服, 你最好企系你想買既Mon前面5分鐘或以上, 感覺下眼睇得耐會唔會唔舒服, 雖然d shop show出來既Mon既顏色都系有做過下手腳, 不過睇耐少少真實甘feel下買返去會滿意d.

我都同意以上講法, 我之前係電腦展都買了一個wide LCD mon 19"的,而且仲有DVI線, 係LG, 都幾好用, 幾抵, 只$1,499.00, 而且個SALE自己講包死點光點, 仲保3年添, 有問題係上門的, 我自己都唔識問呢D問題, 所以我都建議你買PHILIP, LG, 不好買ACER, VIEWSONIC, TOPCON

2007-09-04 13:48:50 補充：
sorry, 係$1,490.00炸, 部mon 仲係5000:1, 你話抵唔抵仲有牌子,