四十歲讀part time 大學怕唔怕給人笑 ??

讀書求智識，點解要怕俾人笑呢？

個女仔考會考，幾廿歲個阿媽都跟埋一齊報，一齊讀書一齊去考；七十幾歲阿伯都讀大學，仲得到碩士學位；佢地都冇怕人笑，一樣讀得開心～

正所謂：學海無涯，唯勤是岸，尤其是現今社會都講緊自我增值。

不過報親讀書都要講錢，一個科目一萬幾千閒閒地，所以怕只怕唔夠錢讀嗟，咁大個人咩世面未見過，仲有咩好怕呢．．．？ ^^

2007-09-04 12:37:50 補充：
智識學到都係自己袋，只要有恆心、夠努力、肯學習，就乜都唔駛怕；人地笑你又唔會將你的智識偷走係咪先？點解要理人咁多呢？而且人地見你仍然肯去進修，努力用功，人地仲會欣賞你呢。所以我覺得最抵俾人笑o既唯一原因只係，報讀左之後因為其它o野一忙而慢慢疏懶，最後放棄，咁俾人笑就真係與人無尤啦～！俾心機，放膽去讀啦～

讀書是一件很好的事,何必怕給人笑
有很多人都是這個歲數讀書,不用怕喔!!!

任何年齡都應該追求自己的理想, 所謂學海無崖, 你不用害羞喎.

四十歲亦不是年紀很大, 你只是走上人生的中段. 要放下自尊, 去捉住自己的理想, 才對啊!

我亦都讀過夜間大學課程, 遇過不少來自不同背景的同學, 不同年齡的都有.
我比較喜歡同成熟的同學一起做group project, 因為佢哋都有一定的人生經歷, 讀書比較細心, 有耐性, 有責任感.

放心吧, 希望你讀書愉快!

更係唔會啦, 乜你冇睇電視鏗鏘集之類的節目, 訪問有幾個仲大過你年紀的去讀大學, 雖然他們一般要比其他學生要用上幾倍時間同心機去讀, 但他們有恆心, 讀得比年青人還好, 上堂時勇於發問, 又唔遲到, 仲影響到其他學生唔咁懶散潻, 又同啲年青人傾得, 玩得.
現時的年青人什麼都有, 讀書的時候都唔知重要, 有你哋去激勵吓佢哋都好架, 比佢哋知道你哋都樂於讀書, 又唔係讀得差, 大家互相勞力.
怕比人笑都係因為自己的心理, 就算真的有又如何, 這代表那些人愚昧姐, 絕對唔係你問題, 自己想做乜咪做乜, 好過遲啲後悔.
放心去讀吧

你都係相要信心姐~

好,小弟比我膽你~

順便呃你2分~

wahaha

我今年五十二啦 ! 剛報了浸大讀醫學 , 你會唔會笑我臨老學吹打 ?
心境年輕的人永遠保持到年輕外貌 , 我已抱孫...新認識的朋友以為我三十來歲 ! 外表的裝扮也顯示一個人的內心...唔好未老先認老 , 也不要刻意扮後生 ...讓年輕活潑的心帶動身體內的記憶細胞活躍點...多運動多參與活躍的工作或學習 , 人就能保持開心樂觀退化就會慢 !

讀書吧...知識改變人生 !

當然唔怕啦~活到老學到老~最重要是選自己喜歡的野學,咁會事半功倍~比心機~