不穿衣身體按摩~~

✔ 最佳答案

依我所理解，妳指的係咪「人體按摩」？即係男的脫赤裸，女服務生亦脫光光，塗Ｄ油用身體在男性身上擦來擦去．．．果種？如果係，咁哩Ｄ絕對係性服務的其中之一，而這些服務通常連埋性行為，當中會有得沖涼的，有些會有埋浴缸一齊浸鴛鴦浴；至於程序則唔太清楚，而價錢亦因應唔同場所而論。（犯法？當然了吧！不過要知道場所多公安少，一雞死時一雞鳴．．．）

不過以上所講哩Ｄ服務重點只係在於個女服務生挑逗到男賓快感，同埋性行為，所以所謂按摩其實好求其，陰柔柔咁摸摸胸口，摸摸大腿內側，但就好少真係會按，邊有按埋腳咁全面。

我唔知妳先生是否有越軌行為，不過我經常與三五波友一同踢完波上大陸按摩，據我經驗，正經按摩都有塗按摩油（ＢＢ油），或者可以要求推活絡油（對於肌肉疲勞尤其正），而有些按摩院有所謂「日式按摩」，就係有哩Ｄ推ＢＢ油服務，咁係會令肌肉鬆馳Ｄ，按得更舒服。

一般來講，大型的按摩院都會有沖身室，入去前先洗淨一下身體，換上佢地供應的便服之前通常會問服務生取一條紙內褲（因為所有帶去的衣物都已經存哂入有鎖儲物櫃，不過有些人貪通爽而唔著內褲入去），跟住上去休息區坐一坐，睇下電視，做下大堂服務，例如：採耳、修甲、足部按摩，又可以玩下佢免費供應的耍樂設備（健身、桌球、乒乓球之類），選好技師就可以按排上房做按摩。鍾意可以睡過夜，亦可以即走，而走時通常都會再沖一沖涼先出去換返自己衫。收費視乎場所、按摩方法及項目而定，一般的如選中式雙鐘按摩大約$88-128不等，泰式雙鐘按摩大約 $108-158，日式與泰式相若，另加技師小費（隨意，按完會俾本薄仔叫你寫俾幾多，簽個名），大堂服務另收費，大約幾十元一個項目。

而比較小型的就冇得沖身，只有一個小型大堂同埋用通頂板隔形式的「房仔」，放張床咁，當你響哩邊按，可以響板下面見到隔離房個技師對腳行來行去，可以聽到個人同個技師傾計。
有些可以選擇先足浴（腳部按摩），按摩一下足部腿部，再入去間隔度按身體，可以唔除衫就咁按，如果加油按就要脫上衣，因為冇得沖涼，按完只會用熱布抺一抺，但其實身體毛孔仍然會有油的，所以當著返衫一出汗，油會沾到衫唔出奇。哩Ｄ價錢更平，足浴廿幾卅蚊，按摩90分鐘都係五六十蚊搞掂。

希望哩Ｄ資料可以幫到妳啦。不過老實講，一個人去鬼混點會俾老婆知，估到都唔會認的，不過依妳所描述咁睇，我會傾向相信你先生係去了冇得沖涼的按摩院，當然有冇古惑就睇妳信唔信妳先生了。

依我愚見，其實如果妳都可以返大陸的話，可以要求同你先生帶妳上去體驗一下按摩，睇下佢同你去的同你所懷疑的有冇出入，因為不論大小規模，如果係正經的按摩院，男女賓係一樣招待的；再者兩夫妻相處，如果存在不信任，咁婚姻就會有危機了，無謂杯弓蛇影，自己得個估字，一陣誤會了你先生影響夫妻感情就唔好啦。

祝妳心中的陰霾盡散，夫妻生活美滿愉快～

回答 (3)