DC filter 問題

你應該係指CPL吧?CPL可以減２級光,只可以代替ND４,但係減光鏡可以有ND２及ND8,分別可以減１級光及３級光,而且CPL比較貴,但係就可以瀘走偏震光,減小物體表面反光及令天更藍.注意一啲廣角鏡未必可以幾件疊埋一齊用,會因為瀘鏡太厚而產生黑角的．
http://www.wahyan.edu.hk/ylchan/photo-course-html/filter.htm

2007-09-05 09:01:50 補充：
CPL係唔一定要瀘走反光的,只要轉啱方向,佢絶對可以代替一塊ND4減光鏡.不過如果連轉下塊鏡都唔識,咁佢又真係唔可以取代減光鏡的.雖然ND4做到既野CPL都做到,但係ND4依然會有人買,因為佢比較平.

2007-09-06 21:30:38 補充：
發問者先生所言甚是,下下玩針對好無謂.用偏光鏡減光會有光線唔平均只係想當然的諗法,我呢度就有一張係偏光鏡減光既相,我就唔覺佢有唔平均喇.http://www.dcfever.com/photosharing/enlargephoto.php?photoID=458801

2007-09-06 21:31:13 補充：
光線唔平均既情況係有,不過反而唔係當減光鏡用時才會發生,當用偏光鏡令天空深藍時,如果鏡頭太廣角,就會引起角落光線不平均問題,圖書100個拍好風景的方法都有講到.就好似下面張相咁http://www.dcfever.com/photosharing/enlargephoto.php?photoID=458838結論係偏光鏡可以代替ND4減光鏡,不過要識得用.

2007-09-07 23:05:13 補充：
我唔知你有冇睇我post出來既相,我都冇提到暗角問題,暗角問題同偏光鏡定減光鏡亦冇關係,我指的唔平均係一邊光一邊暗.希望唔好太離題.

偏光鏡 (PL / CPL) 除左減光之外, 仲會將好似玻璃, 水面反射既光濾走,
而減光鏡 (ND) 只係將入光量減少,
之前有前輩用一秒快門影海浪,
用PL就搞到O的反光唔見晒,
用ND就可以將成個來回既浪影出之餘仲可以保留水面反光.
所以取代ND就好似問皮鞋可唔可以取代波鞋咁,
兩樣野用法都唔同......
一般偏光鏡可以減兩級光, 而ND則有幾隻揀,
咁係又另一個唔同.....

2007-09-06 13:54:13 補充：
好~ 見得閒再詳細講一下.偏光鏡既作用係將向某一方向震動既光消除,(或者只俾某一個方向震動既光通過)所以, 減到幾多光, 好睇當時環鏡既光偏震係咪平均.當然, 一般情況下, 光源既震動方向都分佈得好平均,所以係某一方向既光被隔走既情況下,大部份光源都被平均咁減低.不過當景物中有玻璃, 水等既反射光時,偏光鏡就會令由水/玻璃反射出黎既光,一係就唔理, 一係就隔晒, 打斜既隔一o的咁.(可以手動調較)咁會令減光既效果唔得平均. (咁亦可以當做一個效果,)

2007-09-06 13:56:43 補充：
不過, 以ND本身以平均減光為比較之下,用偏光鏡去令某一方向既光隔走,出黎既效果同用ND鏡可以好大分別.我成日都講攝影冇方法, 冇定律,如果你認為用偏光鏡出黎既效果好, 冇人可以反對,不過如果你想知可唔可以"取代" ND, 我就想你知個分別.理解(知識) 決擇(經驗) = 攝影技術

2007-09-07 13:40:52 補充：
暗角既形成有好多原因, 因為廣角鏡既視角大,放係平面既減光鏡後便, 角位既 "有效厚度" 會比中間既大,(自己畫下圖就會明)咁當然會令中間光, 角位暗.(以前鏡頭設計未得完善有O的ZOOM唔加Filter都有暗角)事實上以廣角鏡黎講, 加filter的確會出問題.唔係因為偏光鏡/ND既問題, 而係鏡頭本身既局限,就算你轉偏光鏡, 只代表出黎既效果唔同左.

2007-09-07 13:41:18 補充：
個人認為應該將呢O的"問題" 睇成 "現象",將唔同既 "現象" 統合, 就成為構圖時既基礎.(冇人話過相有暗角 = 唔靚)p.s. 針對? 奇怪... 希望唔係指我. 你可睇我既"活躍地區",攝影汽車電玩只要我覺得答得開心連一o的無厘頭問題我都照答可也