問自學中五ａｍａｔｈ既方法？

其實讀數學跟本就唔洗上堂，就算比你上足堂但唔練習，結果都係唔合格。相反如果你練習夠，就算你唔洗上堂都可以攞A。

我讀大學時經常skip數學堂，因為覺得上堂與不上堂無咩分別，結果都讀得到。

你最好買多一兩本參考書 (即由其他出版社出版的同類內容textbook) ，或到學校圖書館借也好。當睇到某些地方唔明時，可看參考書，一本唔明，睇第二本，都唔明，再睇第三本。總有一本你會明。

讀a math跟讀普通數學不同，讀普通數學你不需要好明個theorem，但係讀a math你一定要好明個theorem，如果睇唔明的話，可以練習下與那個theorem有關的問題，做得多你就自然明。

至於練習方面，你可以試下將你textbook內的所有問題做晒，做的時候不要看任何theorem或example，當你練習時如有某些題目唔識做或做錯了，就看一看個solution，然後在該題目則邊寫一個記號，數天後，再翻做那些有記號的題目，但在做之前不要看任何theorem，example，solution，做到啱既，就擦去記號，做唔到的話，就再睇一次solution，然後保留記號，數天後再做。重覆做以上步驟直至所有記號都擦去為止。

如果你不想練課本內的題目，可練習過去二十年的past paper，同樣用以上方法重做做錯了的問題，直至所有記號都擦去為止。

又或者你不斷練past paper，錯了的或唔識做的就看solution，然後再做上一年的paper，每張paper都給自己打一個分數，直至你發覺自己有連續五張paper的分數都達到九十分以上，咁你就已經練夠了。

當然，考之前你都仲要望一望theorem同埋example來refresh一下自己的memory。

只要你照我呢個方法去做，我包保你唔攞 A 都攞 B。

我就係用呢種方法去讀a math而取得每期都有 A 的成績。相信你都可以，只要勤力，毅力和恒心。