2個月大 bb狗 腸炎 康復健會大嗎? 好怕佢死 ! help

BB狗未打齊針, 身體0既抵抗力好弱架! 尤其感染咗腸炎或狗瘟, 情況就更加危險.
你的BB睇緊邊個醫生呀? 如果佢吊完鹽水及血清素後情況好轉, 你可以繼續睇呢個醫生. touch wood情況冇好轉, 甚至轉壞, 就要轉睇其他醫生啦! 因為獸醫同醫生一樣, 都有黃綠同醫術高明之分.
我有以下幾個好醫生介紹 :
1. 跑馬地獸醫診所, 何大成醫生. 電話係 : 2572 0977, 地址係 : 跑馬地雲地利道20號地下. 佢係香港第一位華人獸醫, 醫術高明. 但講真, 佢收得比一般貴. 佢喺行內聲譽很好, 個個醫生都會參考佢講0既嘢. 佢個人都幾cool架. 不過真係好掂. 試過有個狗主的BB未打齊針感染狗瘟, 原來睇開的醫生話得一成機會康復, 結果嗰果主人經人介紹, 帶個BB去睇何大成, 結果醫好咗. 所以即使佢又貴又難book期, 依然大把狗主去佢度睇.
2. 梭椏道動物診所, Dr. NAING, Tint同Dr. KHIN, Nina. 電話係 : 2760 9663, 地址係 : 旺角梭椏道27號地下. 佢哋係兩夫妻. 佢哋0既口碑好好, 有愛心而且醫術好.
3. Dr. TIGER, 大圍珍禽異獸及寵物醫院, 地址係 : 大圍積信街69-75號地下B舖, 電話係 : 2687 1077. 呢個highly recommand. 佢口碑真係非常好. 呢行入面，個個都知佢醫術好而且有愛心兼有醫德. 我有個fd, 係做獸醫護士的, 佢親眼睇過Dr. TIGER寫o既病歷, 真係非常認真, 同埋睇得出佢係有心救小動物, 而唔係為咗賺錢咩都做.
腸炎病情反覆, 醫治的時間亦頗長, 大約要4-6個星期, 你要有心理準備. BB能否康復, 針藥固然不可少, 但意志力都好緊要架. 而你及你的家人, 就係佢生存落去的最大原動力, 所以你們要支持佢對坑病魔呀! 對佢講多啲鼓勵的說話, 抽多啲時間照顧佢及陪佢. 可以的話, 喺佢患病期間, 最好有人廿四小時貼身照顧佢. 有你哋的支持, 佢一定好俾心機打呢場仗架.
最後, 衷心希望佢大步檻過, 早日康復, 我會為佢祈禱的.

我隻芝娃娃兩個月大時都患過腸炎, 不過情況就未去到要留院吊鹽水同血清素,
腸炎係bb狗既頭號敵人, 一般黎講只有20%生存機會! 當然要視乎你隻狗本身既意志! 帶左佢返屋企之後最緊要留意佢情況, 例如食左既野有冇吐返出黎, 飲唔飲到水等等....如果冇持續嘔吐同肚瀉, 咁佢康復既機會真係有好高! 記得多d同你隻狗狗傾計呀, 等佢知道佢有主人鍚, 提高意志...
如果情況唔係禁樂觀就記得同佢轉第二個醫生喇, 唔同醫生有唔同醫法嘛!
我介紹埋我隻芝仔果時睇既醫生俾你丫....

元朗動物診所 (徐正雄動物診所)
元朗又新街39號地下
Tel : 2478 8733

徐醫生好出名, 佢真係幾好, 對小動物好有愛心, 又會好詳細咁解釋你動物既情況俾你知! 我隻狗狗腸炎睇佢食左個幾星期藥就好返...而家佢就黎10個月大喇! 仲好健康添...

希望以上資料可以幫到你同你隻狗狗啦, 祝你隻狗狗早日康復!

2007-09-06 04:45:05 補充：
果時我隻狗狗醫左個幾星期, 藥費大約$2000...