拍拖應該認真嗎?

拍拖梗係要認真啦!!!
你的家人成日都話拍拖唔好咁認真和投入,佢地都係唔想你分手既時候咁傷心姐~~
同埋驚你做傻事~~~
我都認同"不投入拍拖"不如"不拍拖"!

我都認同,你拍拖為咩?都係因為鐘意對方先拍拖ja嗎,你同人地拍拖但係又唔投入,咁拍來做咩,如果你唔投入,不但令呢段感情無意義,更加會浪費對方同自己既時間!

緊係要認真喇, 當你真正愛一個人既時候, 你自然地會投入, 會認真, 但你屋企人因為鍚你, 驚你傷心, 所以咪會咁同你講, 佢地既point係好既, 我屋企人初頭都咁講, 但我係聽唔入耳, 因為自己好愛佢, 所以好投入, 我認同你講:不投入不如不拍拖, 對佢對自己都唔公平喇~係咪?

唔洗聽你屋企人講, 投入認真去拍拖吧! 你屋企人咁奇怪既? 好似教壞d仔女? 點會咁樣同個仔女講d咁既野架? 難道佢地想你婚姻失敗嗎? 想你得不到戀愛的快樂嗎?
同埋當你拍起拖黎, 根本唔到你唔認真 ! 你試諗下, 當你中意一個人, 你自然就投入架啦!

家人想保護你先會咁講. 當然, 拍拖要認真, 因為就算將來發生甚事, 呢個都唔係分開的理由, 不過你自己要設下底線, 唔係因為投入, 認真而做d自己唔願意做的事.

拍拖當然要認真!!!
如果唔認真，，拍黎都冇意思=]*

其實, 我覺得做每樣事都要認真的, 不然將來便會後悔
但我相信你家人這樣說你, 也是有原因的

其實, 你的年齡是否還有很少呢? 又是否還是一名中小學生呢?

如是的話, 我相信你家人是擔心你,
根本對拍拖及戀愛也不是太清楚, 只抱著人有我有的心態

還有, 人大了, 感覺甚至興趣也會變的,
價格觀念及種種其他因數, 也會令你改變的

雖然真心相愛是很難得, 但要兩個人同時不受影響還可以保護這份情
其實也真的很難很難的, 雖然在這一刻, 他可能對你發誓...但......

所以我相信他們擔心你才會這樣說吧!
擔心你用情太深時, 到時會傷得更深啊

雖然, 你現在可能不明白我在說什麼,
但也許你將來長大了, 便會明白的....

要記著任何時候也勿為感情時而摧毀了自己的理智吧
甚至生命, 因你要知道這個世界上, 不幸的人往往比你更多.....

應該認真的.

我覺得最緊要係睇自已想要d乜？？其實大部分ge人都會好認真咁對自已的感情！！人心肉做…你竟然同得呢個人一齊，咁都代表佢唔多唔少都有吸引自已ge優點！而且，當你同呢個人o向埋一齊ge時間愈長，你對佢ge認識亦會愈深，如果，佢d缺點你都接受到，咁…我相信你亦會好自然咁愛佢愈深！！感情，係自已控制唔到ka

當然要認真啦, 但又唔係代表要訓哂身個隻,
就算真係咁唔好彩唔能夠開花結果,
都要睇得開一點。
父母當然係關心自己既子女,
有時見子女太過投入, 都會有D擔心,
其實你只要俾佢地了解一下你男友,
如果佢地都認為佢信得過,
咁佢地就唔會咁講架啦....