HARDDISK 燒左

你呢個情況唔系一個非常大既問題, 不過你唔使去原廠整, 因為佢地唔會幫你整, 你未過保養最多幫你換過另一隻, 如果你要去香港既電腦公司整就會幾貴下, 因為佢地知你hdd入面一定有重要資料, 到時佢地話幾多銀你都要比幾多啦, 以我整機既經驗, 我建議你花少少時間去國內廣州天河電腦城附近7-11對面間電腦城度整啦~ 我去整過, 安全無問題!! 收費合理. 詳情如下:

不過你個hdd系乜野牌子先? 因為唔同牌子同程度可以有好多變數, 你個case我睇只要搵返同一型號hdd換返塊電路板就無事啦, 應該$500以下就可以啦~ 我之前試過換notebook既hdd電路版$150就ok啦~ 主要系睇你好唔好彩有無舊既hdd電路板現貨, 有就好快幾日就整得好~

如果真系無, 而你d data系非常重要, 你可以要求取DATA, 我建議如果真系要整HDD, 不過呢個系最壞情況.
而到達最壞情況既話, 我建議將個HDD帶去廣州天河電腦城新慨念電腦中心一樓整, 因為我去過整, 價錢平過香港好多好多, 因為香港既都系送返國內整. 你就當搵一日去廣州玩, 來回幾次都平過香港取DATA, 而且服務幾好, 你其實只要去一次, 唔使去取嫁, 佢可以寄隻DVD比你或者UPLOAD比你, 視乎你HDD入面有幾多GB資料, 可能 幾隻DVD都搞店, 所以費用其實好低. 整唔到系完全唔收錢嫁, 所以你可以考慮一下, 我試過救返個NOTEBOOK HDD同一個40GB既HDD.

而經取DATA既HDD會拆開晒, 所以你取完DATA要唔要都無所謂, 所以我先話寄隻DVD比你就算啦, 唔使再去一次~

一般如果要去到取data既地步就要$1000以上嫁啦~
如果仲有野問可以再發問.

之前有人問過類似既問題, 都系我回答既, 你可以參考一下.
http://hk.knowledge.yahoo.com/question/?qid=7007083101334

價錢唔太肯定 .
資料呢 .. 救就應該救得番 ..

你可以去旺電問一問 ,記得有兩三間公司專做recover 的 .
如果唔得既話 ,以我所知 ,harddisk 本身間廠可以幫你 recover 倒
(你唔係隻disk 入面有問題 .. 只係燒左chips)
不過可能會幾貴下 ..
你email 去你隻harddisk 間公司問問吧