2個月大 bb狗 腸炎 康復健會大嗎? 好怕佢死 ! help

我隻芝娃娃兩個月大時都患過腸炎, 不過情況就未去到要留院吊鹽水同血清素,
腸炎係bb狗既頭號敵人, 一般黎講只有20%生存機會! 當然要視乎你隻狗本身既意志! 帶左佢返屋企之後最緊要留意佢情況, 例如食左既野有冇吐返出黎, 飲唔飲到水等等....如果冇持續嘔吐同肚瀉, 咁佢康復既機會真係有好高! 記得多d同你隻狗狗傾計呀, 等佢知道佢有主人鍚, 提高意志...
如果情況唔係禁樂觀就記得同佢轉第二個醫生喇, 唔同醫生有唔同醫法嘛!
我介紹埋我隻芝仔果時睇既醫生俾你丫....

元朗動物診所 (徐正雄動物診所)
元朗又新街39號地下
Tel : 2478 8733

徐醫生好出名, 佢真係幾好, 對小動物好有愛心, 又會好詳細咁解釋你動物既情況俾你知! 醫藥費唔算太貴, 大約$2000(當然要睇返你隻狗狗睇左幾多次醫生啦) 我隻狗狗腸炎睇佢食左個幾星期藥就好返...而家佢就黎10個月大喇! 仲好健康添...

希望以上資料可以幫到你同你隻狗狗啦, 祝你隻狗狗早日康復!