足球陣式--(2)

回應足球陣式--(3)要求就答你啦。

4321 中場太多組合喇:
1) 左右中場及一名防中，加2名攻擊中場(451的一種)。
2) 3名防中加2名翼鋒(451的一種)。
3) 3名防中加2名輔鋒。
4) 3名防中加2名攻擊中場。
上面幾個組合分別好大，我估你係想問組合3或4吧。

4321
優勢(組合3&4):防守力強
3個防中力2個中堅，中路防守力好強。

劣勢:
(組合3):中前場連繫不足
3個防中前面就係鋒線，又冇左右翼，要於中場組織小組攻勢太困難，就算輔鋒會墮後，但始終做唔倒攻擊中場咁有效果嘅分波工作。
側擊困難，由於中場冇攻擊球員，左右閘要跑一大段路，壓到好上先支援倒前線或得到支援，側攻好易被對方破壞。

(組合4):中場中太多人，冇空間組織
5個中場放晒落中場中，加埋對方球員中場中會密到連盤球突破及短轉都好困難。
(所以冇咩人會用呢個陣吧。)


適合陣式的球員的特質
如果真係要用呢個陣，組合3要有似托迪咁有創造力嘅輔鋒及善於策動長轉返擊嘅防中。
組合4就要中場球員控球能力極強，返應快，短轉準，仲要走位合作得好，及可充當左右中場以打先可以打得好。

441

優勢: 中前場連繫較佳
4個中場及前鋒中間有輔鋒，輔鋒可以加強中前場連繫，當4人中場組織攻勢困難時，輔鋒墮後可以加強組織力。
喺前鋒掩護下一般輔鋒會打到好似自由人咁，活動空間大，走位飄忽，後上比中場球員後上更加有效率。
力強中場控制力。

劣勢: 單箭頭欠支援
得一個前鋒，如果打快速返擊或突擊，輔鋒未必夠快做後上支援。
前鋒或會因為輔鋒後上不足而孤立無援，減弱攻力。

適合陣式的球員的特質:
前鋒或輔鋒要二轉好好先可以保持4411嘅攻力。
輔鋒最好係走位靈活到可以打自由人咁，或者有創造力，攻力會更強。

352
足球陣式--(3)答過啦!

以上只係個人意見及分析，落到場配合戰術可能係另一件事。