祈禱可以嗎？

神真的係聽禱告架!!!

你係應屆的考生,對嗎?
我係會考生,8月8日出黎既成績得個位數字,
之後其間係咁搵工,搵學校都唔得,冇人請。

咁我就禱告,求神去導引我,首先唔好講搵唔搵到工,有冇學校收先,
禱告之後,第一件事係得到平安,耶穌說「凡勞苦擔重擔的可以到我這裡來」
耶穌係好牧人,祂會指引你,神你都講過你係最大的醫生。

奇蹟就出現啦,到琴日(8月31日),正常所有學校都冇晒中六學位架啦,
點知比我搵到有一間學校有位,仲要唔介意我低分,取錄左我。感謝神!!!

交比神呀。 神好想幫你。
你要知道一個屬靈的原則就係,要我地去求,神就可以去插手幫助我地,
如果我地不求,神就不能夠在我地生命中工作,
唔係神冇能力,係神看重我地每一個,看重我地既意願。
我們得不著,因為我們不求。

不如你照著以下的禱告去祈求呀,
因為神在我地未求之先,已經知道我地需要什麼,
禱告只係表明我地願意比神在我地生命當中工作。

當然,禱告要恆切,比d信心,我都係由八月十幾日開始為到讀書的事禱告,
到琴日八月三十一日就得應允了。

------------------------------------------------------------------------------------------

親愛的主耶穌

感謝你,因為你愛我,為我的罪釘死在十字架上,
亦感謝你的復活,賜給我盼望。
感謝你,因為你親自去吸引我進入你的同在當中,
你的名字叫以馬內利,係與人同在的神。

耶穌,在這一刻,我決定將我的重擔,將我的憂慮,交到去你的恩手當中,
求主你親自去引導我,帶我走我人生的路,
你的名字叫耶和華以勒,就係神你已為我有預備。
我堅信你在我生命當中有你完美的計劃,有完整的藍圖。
求你賜我一顆充滿平安,喜樂的心,叫我在你的裡面一無掛慮。

我將我的前路,工作上的憂慮交比你,因為你係滿有能力的真神。

耶穌,天上地下所有的權杖都賜左比你了,你在地上有權杖,
求主你施恩,帶領,時常讓我感受到你的同在,
讓我知道,我人生的道路不是一個人去走,而係神你同我一齊。

感謝你,所有的禱告,祈求,都係奉耶穌基督的名字,阿門

祈禱可以得到信心。只要你有誠心，又有恆心同有信心，主一定會答應你合理的請求。
祈禱之後，請開始思考一下自己適合做邊類型工作，自己的長處在何處，例如學業背景，工作經驗，性格同自己的理想，再集中火力去找合適的工作。
如果你性格外向，鍾意同人打交道，可以試下做前線銷售人員，每一家公司都在請人，有售貨員、街頭戰士、營業代表、電話銷售人員等可供選擇，只是你去唔去返工。可以留意東方日報同埋Face的青雲路。做過sales，人都醒D，把口都甜D，對你將來事業大有幫助。
你只要唔怕辛苦，可以試下做服務行業，例如酒樓侍應、餐廳侍應、快餐店甚至七十一、OK等，佢地日日都請緊人。
如果你係後生仔，又唔怕悶，可以去做物業管理、保安員，我包你即刻有工返！
行行出狀元，英雄莫問出處。只要有工做，咩都做住先，起碼有糧出，人生有寄託，唔會亂諗野。
我唔知你學歷同經驗，只是如果你想做更高一級的工作，就要進修同累積經驗，加上訓練自己的人際技巧。有時係要自己幫自己，有時係要靠人幫自己，更重要的是有天主幫自己。
每個人的人生都有高潮有低潮，如果未試過低潮，在高峰時又點會知道享受到成功的喜悅，學憧感恩同珍惜呢？
我唔係講風涼話，我低潮時試過失業大半年，做生意試過蝕過五十萬（全部係同人借的，還錢都還左好耐），不過我仍然相信明天會更好，主會助佑我，只要肯去做，人就會慢慢走出谷底。在下現在再次創業，信念依然未變。
同你分享兩句說話，唔係來自聖經：「只要心情不滑坡，機會總比困難多！」加油啦！主會保佑你的。

佢會聽ga,
將你的憂慮交俾上主la,
但自己同時亦要努力ar,
佢有時係透過身邊既人去幫你ga,,,
加油牙~

唔好灰心呀. 我最近有句座右銘:
奇蹟唔係唔會發生, 不過如果你唔堅持, 就一定唔會發生.
我搵到而家呢份比較滿意既工作, 中間經過好多波折. 過程足足4年半, 係我自懂事以來人生的最大的低潮. 好在我沒有放棄, 不嫌工作時間唔好人工唔理想返工路途遠, 輾轉都做左5份工, 每個岡位都落力做好. 出面大環境經濟差, 冇得揀. 問心, 係好剝削架, 明蝕比公司既我都肯做. 為左學野囉, 學待人接物囉. 終於, 有人見到我既表現. 每次contract 完左, d 上司其實唔捨得放我走, d release letter 全部都比足面. 仲有時有好介紹, 搵到下一份工. (始終經理都係人, 梗係鍾意個幫得手既員工, 肯幫手介紹比人. 又梗係鍾意d有人介紹來, 話係信得過既人, 唔使費神揀人呀嘛) 你可以發散消息比係以前既僱主, 同事, 朋友, 親戚, 總之係知道你d長處既人, 可能佢地會知道一d空缺, 幫你穿針引線. 唔使怕瘀架, 人人都有需要幫手既時候啦, 呢個時候仲肯出手既朋友, 就係你既真正朋友, 要好好記取呀!
同時, 我試過主動走上去agency搵工, 佢地門路廣d, 見工機會多d. 而且佢地薦人薦得多, 比到多少貼士我. (我見成左佢有佣收架). 有時認真難搵工既關口, 都係咁接到落下一站.
最重要係調整自己既心態, 你禿廢既會係你既求職信中, 見工時表露出來. 既然擔心係無補於事既, 就將佢交比神, 相信佢其實已經為你安排好. 我真係咁認為架, 唔經過個4年半, 我冇而家咁成熟, 咁積極, 而且處事細心左. 而家我勝任既工作, 4 年前我係未有能力做到既. 多得個d磨練, 我而家得啦. 而家既我明白左呢個先至係神既本意, 等我有咁大個頭啦, 咪明正言順戴呢頂帽囉.
你都要比心機, 係祈禱中求神比力量你, 比指引你. 一隻小麻雀尚且得到看顧, 何況你係佢既寶貝兒女呢!!

I'm a 不信教的人，希望你不要介意我的個人意見！

其實世界上根本沒有神。所謂的祈禱只是向空氣說話，
如果世上有神，那麼所有的貧窮，疾病，罪惡...都不會出現。
信耶穌根本沒實質的幫助。

你失業的話，就應該努力找工作。只要你有實力和信心，都能找到好工，過上幸福生活。

祈禱真係可以的*
但係你要用你既真誠去對佢
唔好因為而+你冇野做就搵佢..
到時有野做就唔識感恩
如果唔係即使佢今次幫左你
下次都唔會咁令的*
我唔係叫你因祈左禱就唔洗出去搵工..
冇野係不勞而x的*
so 你要keep住同上帝傾解...(可以咩野都同佢講,當佢係你個知心fd)
一路搵野做啦^^
hope你快點搵到你理想既工啦^^
上面個d係我自己既個人意見..
我都係信上帝的*^^

唔可以,祈禱只可以令你心靈上得到滿足
要解决問題始終要靠自己

也可以為我祈禱嗎
我也失業了,更迷失了方向
日日等消息的感覺很難受,同學朋友問起都唔知點答

你當然可以祈禱!!