我發現自己唔記得數學的基本野..囧(10分)

1. 67-79+22

呢題好淺, 67唔夠減79既係...但係如果+左22先呢？
首先將67+22，咁就夠減啦....

2. 積係乘出泥個答案
例如，2乘2等於4, 咁4就係積

3.HCF係最大公因數
例如,6同12呢個數
咁組成呢個6可以點呢？
可以1乘6或者2乘3
12又點呢？ 可以1乘12，2乘6，同埋3乘4..係咪？
咁6就有1,2,3,6呢四個因數，12就有1,2,3,4,6,12
公 就姐係一樣既意思, 所以6就係6同12既最大公因數

LCM係最小公倍數
用返6同12做例子
6既頭5個倍數係: 6 ,12, 18,24 ,30
12頭5個倍數係:12,24,36,48,60

講明最小...就緊係由最細果個睇先...
頭先講過「公」係一樣既意思
所以6同12既LCM係12...明未？

4. 指數記數法係有小小難講..haha
指數記數法係同乘法有關既...不過乘法可以乘任何數字，但係指數記數法就唔得，一定係乘自己。我想你應該知指數係寫出泥既時候係寫細粒d架啦？
有冇聽過 乜乜乜既二次方之類既野？


例如:
2乘2 ,會讀成「2既2次方」，姐係兩個2乘埋，寫出泥會係一個正常大小的2和一個很小在右上角的小2,

2乘2乘2 , 會讀成「2既3次方」，姐係三個2乘埋，寫出泥會係一個正常大小的2和一個很小在右上角的3

如果係3乘3乘3乘3呢，就會讀成「3既4次方」，姐係4個3乘埋，寫出泥就係正常大小的3同一個很小在右上角的4

如此類推...不過記住一定係乘自己...其實指數記數法係方便大家...唔洗寫咁多...其實答案都係一樣...

例如...想話10個2乘埋...

如果就咁用乘法寫式...就要寫10個2...咁就會好長好易錯..
如果用指數記數法寫式....只係需要寫一個2，同埋右上角寫一個細細既10就可以喇
同時兩個答案都係一樣，係1024,明唔明？


5.你張圖睇唔到...整整佢..

6. 準確值係一定係除得盡既數出現
例如10除3...係3.33333333.........，係除唔盡，永遠無一個exact既答案，呢個數就無/唔係準確值，所以答呢類題通常會比你定分數上去

例如6除5，係等於1.2 , 雖然後面有點數，但係都除得盡，所以6除5係EXACTLY 1.2,所以叫準確值

...希望你明啦...哈哈
我估你都唔知exact同exactly點解架啦...哈哈...佢地係「精確無誤/準確/確切/精確」咁解...
比心機讀書呀小朋友....

2007-09-01 16:04:30 補充：
你好似係中一？但係中一唔識呢d野好似情況麻麻喎...如果未中一...好努力啦...仲有機會去好學校...你真係要比心機d..你地armarm好334唔洗考會考..但係你地個syllabus一定深好多,因為之前7年既野你地依家要6年讀晒,,,你又要無乜past paper做..依家就話有會考整咁走一大班人...你地無架啦...又無得拔尖...哈...叫你小朋友好似好唔知點咁...不過其實我大你都ok多...我細老出年都中一...我係咁叫佢讀書讀書都唔理我= v =第時唔知點算.......ps.其實我用緊我綑老acc...見到你...有d感觸...哈哈....

2007-09-01 16:08:39 補充：
講錯小小野...「公」唔係一樣..係大家都有咁既意思上面個例子...6同12,佢地係「共同」擁有12呢個倍數，而同時12又係最細，所以12係6同12既最小公倍數