我鄰居個bb好慘 唔知有冇方法幫到佢

我對面個b 跟住一個好差既媽媽....
佢搬左黎成年都唔執屋傳來一陣惡臭就算啦

但最睇唔過眼係

-媽媽開心既時候就同佢玩下, 俾vcd佢睇, 甚至打下個仔= =

-個b歲幾就要跟佢呀媽一齊食公仔麵 連粥仔都冇得食

-個呀媽一起身就嘈醒個仔, 話要出街, 個仔扭計就打佢

-搞到成間到地下垃圾, 個bb唔知一拎起d野就打佢

-個bb舔鐵閘 個媽媽就用手指彈佢個咀(你俾人彈都知有幾痛啦)

-有時帶完個b食飽野又要佢飲奶, 個b唔飲又打

-個b做d危險動作唔去理佢 當我地一家同個媽媽講返 個媽就扯開佢跟住又打

-個b冇錯打完之後就話:「宜家係你錯! 知唔知! 講知道! 我係岩! 你係錯! 知唔知!!」

-一有人返黎經過佢門口, 就推個b出去叫個b拎野食, 話:「快d問下哥哥/姐姐有冇野食啦」


等等既事

其實呢d係咪叫正常? 又或者個b可唔可以接受d 咩既幫助??

感謝回答