兔仔係唔係一摸佢個肚就死???

唔會..我隻兔兔返黎之後,最初唔肯比我抱,因為無安全感,兩三個月,習慣左之後,佢肯比我抱,後來慢慢同佢疏毛,6個月後,我將佢反轉,好似個baby咁抱,佢都肯,四腳朝天咁,最近,哈哈...我可以掃佢個肚仔,原來係好柔軟嘅,佢地最初唔比人掂個肚,可能係怕你整親佢,佢個肚肚無骨支撐ge,大力嘅話,我相信會整到佢d內臟,所以要同佢建立好關係,佢信任你至好摸佢個肚囉.

請一啲唔識既人唔好亂答,攪死人地隻兔兔為你事問......
兔仔摸肚會死係錯既,反而有時要幫佢地按摩下佢會舒服啲添.....
千祈唔可以捉佢耳仔,耳仔反而係佢弱既地方,好多養兔兔書都有講,唔該唔識既人唔好亂答
我之所以咁慶係因為我都有養緊兔兔,雖然我知識有限仲有好多野要學,但係睇見你咁講都睇唔過眼,萬一有啲人真係跟你去做就害到隻兔兔啦.....

當然唔會摸一摸就死,只不過係因為兔仔最脆弱,最容易受傷既地方就係佢既肚,因為兔仔既肚皮好簿,而且肚個部分既皮膚下面就係佢既大動脈同佢既大、小腸,胃部,如果你成日摸兔仔既肚,就會傷到佢既器官,所以......都係少摸為妙,就算真係摸,都要用最輕力去摸呀≧3≦!!!

唔會，係因為佢地d腸胃好敏感，肚皮又薄。

所以如果佢地d腸胃受傷，好容易會死。

唔係,但你抱佢果時唔好抱佢個肚,因為佢個肚皮好薄,一抱可能會串(同音
),如果想抱佢就要渣住佢對耳仔,記住,一定要信我,因為我以前養過

都唔係既﹗不過係好脆弱啫，你好易整傷佢。

唔係!!!!!!!!!!!!!!!!!!!!!!