2個月 bb狗好大問題呀 ! 有冇人可以比下意見我呀? please !

2007-08-31 11:57 pm

我隻芝娃娃 2個月大

昨天發現有虫仔睇左醫生了食左杜虫藥仲開左d開胃藥比佢食tim..

睇完之後返到屋企嘔呀 ..本來以為佢暈車浪點知吾係

佢食乜野就嘔乜野... 但有飲水的... 到底佢係發生咩事?

打去問了醫生佢話再係咁要吊鹽水.. 我可吾可以暫時用住葡萄糖水比佢試下先 ?

吾該哂 ! 我第一次養的..冇經驗 =[

回答 (4)

用戶22686

2007-09-01 1:36 am

✔ 最佳答案

如果係咁的話, 你試吓打番去果個獸醫度問佢...
當然係問佢點解你隻狗食完佢開的藥後嘔得咁厲害, 究竟係因咩病會嘔同埋佢開俾你隻狗果ｄ係乜嘢藥...？
仲有既就係要同你隻狗仔轉過另外一個醫生,
因為市面上有好多無良寵物醫生為咗賺多ｄ錢, 將狗狗明明冇既病症都照樣講到有; 明明可以好快咁就醫好隻狗, 但就因為錢所以拖症, 最後...有好多寵物都因為未能及時醫治而導致死亡...！（我之前都試過帶隻狗狗响屋企附近ｄ獸醫度睇醫生, 當時的我係第一次養狗亦從來都冇諗過真係會有啲衰獸醫！...當果個獸醫話我隻狗的後腳冇晒知覺而且再唔放低留醫就以後都行唔番的果一刹那, 我真係有一刻衝動諗住放低隻狗留醫架, 不過好好彩俾我見到我隻狗當時俾個位無良醫生用鉗拑住對腳然後流晒眼淚同不停咁叫果陣, 我就知道我隻狗根本就冇佢講得咁嚴重而且我怕我俾隻狗留咗醫之後唔知點樣俾佢由冇傷變有傷呀, 所以我就決定帶隻狗走...之後第二日一早我就帶我隻狗出去我老細ｄ狗睇開果間...雖然離我屋企都幾遠, 但係我隻狗睇咗兩次之後就好番晒啦！）
所以話呢...你應該幫你隻芝娃娃轉多個獸醫, 聽多幾個意見先做決定啦！
再唔係你不如試吓我講果間...真係幾好架...
：徐正雄動物診所
　何文田勝利道11號A地下
　Tel : 2711 8023
不過你去之前記得打去預約先啊, 因為佢都幾full booking架！

我希望你隻狗快ｄ好番啦...
你再有問題就再搵我啦！（唔使太擔心）

👍 0 👎 0

2007-09-01 5:59 pm

2個月的狗bb體質好弱, 要小心照顧. 杜虫藥應該唔會食到嘔. 你有冇放佢周圍走, 可能食左污槽野. 小狗好奇心大, 周圍聞又周圍賴. 你用圍欄暫時困住佢先啦.
亦可能佢有其他病, 你同佢轉另一個獸醫.
你唔好同佢去番狗店幫佢打針個間, 如果狗店有問題, 個幫手打針的醫生可能都有操守問題. 我曾經試過甘做, 差d害左狗狗, 仲令佢受左好多苦.

希望你狗狗早日康復 (好多狗狗2-3個月時都試過病, 唔好太擔心).

參考: 自己有養芝娃娃

👍 0 👎 0