點解野豬公同野媽HAPPY完就走?唔想負責任嗎?

點解要負責呢? 絕大部分既哺乳類都係呀媽揍仔架啦. 呀爸有份揍先至少有呀.
Battle of the sexes講到雌雄動物要生存, 係有唔同既策略. 豬媽係投資者, 因為豬媽佢一生中可以懷胎既次數有限, 投放大量資源係每隻豬bb身上, 以求每隻bb都生存長大, 將媽媽的基因傳下去.所以佢採取既策略係小心擇偶, 因為如果配偶d基因唔靚, bb就養唔大, 豬媽損失時間資源, 連機會成本都蝕埋!
而雄性動物相反, 一生中可以交配次數簡直係無限大(每次幾秒搞掂), 而每次付出既都非常之少(比幾個月懷胎, 哺乳, 照顧, 個幾ml精液真係小得可憐), 所以佢採取[唔理好醜, 最緊要就手]策略, 為求將基因散播開去, 因為就算遇到配偶d基因唔靚, 佢損失都非常細, 所以趙完鬆係雄性禽獸來講係合情合理合乎利益既.
至於點解人類既父親會幫手照顧子女呢, 有兩個原因. 第一, 人類bb係要十幾二十年先養得大, 而只得母親照顧的話, 養大成人既機會大大降低. 咁父親如果好似野豬公咁到處留情趙完鬆的話, 佢既後代都係養唔大, 佢既基因都係無法傳落去. 呢d男人唔使幾多代, 好快就係人口中消失. 反而忠心於家庭既男人, 佢既子女養到成年既機會大增, 咁好男人係人口中就佔愈來愈大既比例. 所以係穩定既社會, d男人係傾向對子女負責.
另一個原因係人類同大部分哺乳動物唔同, 女性係一年到晚不論是否排卵期都會對性事有興趣, 反觀其他動物, 唔係發情期根本唔肯比異性接近. 咁分別就大啦, 即係人類既男性既性需要係一個穩定既關係中係可以完全滿足, 咁咪有可能綁住佢係一段關係之中, 足夠長既時間, 將子女養育成人.
所以在下覺得出外搞三搞四既男人, 只不過係豬狗咁蠢, 未至於豬狗不如. 哈哈!

佢應該系去搵食物

2007-09-10 12:41:47 補充：
貪新忘舊,搵第二個野媽

佢走去gam錢俾野媽丫嘛