有咩途徑去香港紅磡體育館？（除的士外）

你係咪由澳門過來香港睇concert呢？
其實，由上環嘅港澳碼頭去紅磡嘅香港體育館（紅館）係好簡單啫。首先可以睇睇以下地圖，係紅館附近嘅環境：

圖片參考：http://www.lcsd.gov.hk/CE/Entertainment/Stadia/HKC/graphics/map_popup.jpg

方法1
過海巴士（109, 111, 115, 182）
離開碼頭閘口後，轉右落一層地梯，在港澳碼頭旁邊的巴士總站，坐過海巴士（只要是一字頭，總共三個字的巴士，即「1xx」，都是經紅隧過海嘅。過海底隧道後第一個站下車，你會在左邊見到一棟磚紅色的建築物就係「理工大學」，落車後就會見到前後都有天橋去香港體育館、紅磡火車站或理工大學。上其中一條天橋後跟隨指示，步行不需5分鐘就很容易到達「紅館」！
方法2
地鐵轉東鐵
由上環站搭地鐵，搭一個站去中環站落車，然後跟「荃灣線」嘅指示牌去轉車，再搭一個站去到尖沙咀落車。落車後出閘，之後跟「九廣東鐵」尖東站嘅指示牌去轉車，又係坐一個站便到紅磡站。一出紅磡站，旁邊就係紅館啦！
參考資料：
·http://www.lcsd.gov.hk/CE/Entertainment/Stadia/HKC/b5/location.php
·http://www.kcrc.com.hk/html/tch/services/services/east_rail/station_locations/images/hunghom.pdf
如果都唔識路，好簡單啫，「路在口邊」嘛，大部份香港嘅市民都識得點去紅館嘅。希望幫到你！

2007-09-01 09:40:17 補充：
去港澳碼頭旁邊嘅巴士總站：·過咗關、出咗閘之後·轉右搭扶手電梯落一層·落咗一層之後，再轉右，行約五十步左右，就有門口離開商場·出咗門口之後就見到樓下嘅巴士總站，行樓梯落去就到嘞

2007-09-01 09:44:15 補充：
千祈唔好去「永安百貨」（即永安中心）嗰邊搭車呀！一、係因為要行得遠啦，點解碼頭側邊有巴士總站唔去，要去過一條街嘅永安中心呢？二、巴士總站成日都有巴士喺度等你，但係喺巴士（中途）站，就要你等巴士嘞…　　仲要喺中途站上車唔知有冇位坐喎。三、最重要嘅係，因為永安中心嗰度根本就冇經「紅隧」嘅過海巴士站（即1xx）！　　有嘅都係過西隧嘅巴士（即9xx）。

2007-09-01 09:45:55 補充：
如果你點都真係要行去「永安百貨」嗰邊附近搭巴士，就要去「維德廣場」嘞。維德廣場就喺永安中心側邊，由碼頭行去大約要10分鐘左右啦：·你落咗船出咗閘之後，就落一層轉左邊，行到去信德中心嘅尾尾·行到尾尾就會見到有條天橋行出去，沿住天橋行，冇幾耐就會轉右·轉咗右之後一直行（唔好轉左），行到尾就係維德廣場·入咗維德廣場之後就搭扶手電梯落地面，往後面街（德輔道西，即電車路）嗰邊·呢度有幅圖係嗰個巴士站嘅：http://www.nwfb.com.hk/image/share/busstop/pic.asp?pic=301058.jpg

2007-09-01 10:36:02 補充：
仲有兩幅圖俾你睇吓：·呢幅係巴士總站嘅相　http://www.nwfb.com.hk/image/share/busstop/pic.asp?pic=301237.jpg·呢幅就係出咗「紅隧」之後，九龍出口嘅相　http://upload.wikimedia.org/wikipedia/zh/9/93/CHT_Southbound_Busstop.jpg

到紅磡體育館，你可以乘搭任何經紅磡海底隧道的巴士(即101,103等)，到紅磡海底隧道收費廣場下車

而由港澳碼頭到紅磡體育館(需時約20-30分鐘)，
你可以乘109,111,115,182

到紅磡海底隧道收費廣場下車，沿指示步行即可

109,111,115 成人收費: $8.9
182 成人收費: $15.3

你亦可以在上環站乘地鐵到尖沙咀站，在尖沙咀站步行至尖東站，
在尖東站乘搭東鐵到紅磡站，沿指示步行到紅磡體育館

成人收費 (八達通)
地鐵 $7.9
東鐵 $3.9

2007-08-31 12:08:27 補充：
附上地圖兩張作參考http://www.kcrc.com.hk/html/tch/services/services/east_rail/station_locations/images/hunghom.pdfhttp://www.lcsd.gov.hk/CE/Entertainment/Stadia/HKC/graphics/map_popup.jpg

2007-08-31 12:15:01 補充：
在港澳碼頭巴士總站就可以乘109,111,115,182而紅磡海底隧道收費廣場就是出隧道後第一個站

乘109/113/115/182到紅磡海底隧道

跟住行天橋上去

109/115
$8.9

113
$9.4

182
$15.3

20分鐘到

2007-08-31 19:46:05 補充：
sorry!!!是111$8.9