炒飯太濕,點先可以將炒飯更乾? 10分~!!

一定要用慢火+耐性將d冷飯煎熱，唔需要加水，怕黐鑊就改用易潔鑊。

炒飯要硬(乾)身才好吃，而隔夜飯攤了一夜，乾晒水就硬啲，所以啲人就話隔夜飯煮炒飯好吃 。
我以前學過烹飪，師傅係酒樓大廚，佢話如果要炒飯好食，係要「煲」一煲新鮮嘅「硬飯」，攤凍嚟炒，唔係用泠飯(隔夜飯)。

佢教咗一味「揚州炒飯」，照佢教嘅方法，唔駛落味精，炒出來似足酒樓咁好味，同阿媽嘅「炒泠飯」完全唔同：-

材料(一碟計)：
白飯(新鮮硬飯)10両、蝦仔肉両半、义燒1両(切粒)、雞蛋一隻(打勻)、葱2條(切粒)。

做法：
1. 將生蝦肉泡油或將生蝦肉用鹽水滚片刻。
2. 用碟盛着白飯，將蝦肉、义燒粒、葱粒和鹽(適量)放在飯面(千萬不要落豉油) 。
3. 另外一碗盛着巳打勻的雞蛋液。
4. 猛鑊，下油，一隻手下雞蛋液，另一隻手要同時快手下白飯(蛋液未熟下白飯，咁蛋液就會將每粒飯包住)，同炒至飯爽身便可(飯粒在鑊中跳跳吓)。
唔好放咁多鹽就無咁咸。

先將飯擺入雪柜,雪一晚,第二日至用,炒嘅時候由細火炒起,慢慢加火,邊炒邊用剷把飯團壓開,這樣便可達到你想要的效果。

要炒飯炒得好食﹖
其實要係用隔夜飯，
即是如果你預左聽日會炒飯食，
咁你今晚就要煲定煲飯，
放入雪櫃，
雪佢一晚，
再攞出黎做炒飯，
咁啲飯就唔會咁濕！
而咸唔咸係睇你自己落幾多調未料啫！