✔ 最佳答案
結婚的預算真的很難計算的, 而且因應各人需要有所不同. 我有一個朋友什麼也沒有攪過, 只是簽了個名, 婚紗也沒有租. 整個婚禮只有了 2 萬元...
因為你現在才剛剛開始, 實在還有太多問題, 太多的事情需要考慮了, 以下只是冰山一角...
你們會否擺酒 ??
你的父母大約會要求多少禮金, 禮餅, 酒席等等 ??
你們會否願意付出一萬多元以上影婚紗相
其他傳統的儀式又會否做足 ?? 例如過大禮...
婚後住處, 租還是供 ?? 這點問題較大, 千萬不要以為租樓就一定蝕底. 買樓是一生人的負債, 跟你數十年的. 因此真的考慮清楚自己有否足夠能力可負擔供樓... 雖然現在正蘊釀減息, 但只要一加息, 供樓更為痛苦.
如果你們不期望, 也不需要一個盛大的婚禮, 只是在註冊處行禮, 象徵式的禮金, 禮餅等等, 拍一輯普通的婚紗相, 那麼你們儲 1 - 1.5 年錢都有將近 8 - 12 萬元, 也已經可以應付了.
但如果要擺酒, 攬得隆重一點... 酒席 1 圍都需要約 5000 蚊, 20 圍已經是 10 萬, 還未其他如租車, 租衫, 攝影, 化妝, 酒水等等 N 咁多樣 "濕星" 開支. 總計沒有 30 萬埋不了單. 但慶幸是有一點點人情可以收返, 但也不要期望可幫補太多, 聊勝於無而已.
如果係租樓既, 咁就問題不會太大, 只要有 2 個月按金, 1 個月上期便可搵樓. 一個月租 6000 蚊的單位也應該足夠你兩小口子住住先. 即是需要準備 2 萬蚊, 另加添置新傢俱及搬運費, 總數約為 5 萬. 買樓就比較麻煩. 如果你買二手樓, 最少都要 3 成首期, 150 萬的單位便需要約 50 萬了. 對你來說, 現在可能比較吃力的. 因此我建議你先以婚後先租樓為目標.
如果你只放在聯名戶口, 就真的只有等自己入錢才有進賬. 我建議你可以和銀行的財務顧問聯絡一下, 請他們為你們設計一個儲蓄計劃, 動用部份資金去投資基金或股票, 進而加快資產增值. 當然你也需要冒一定的風險了. (我不是賣廣告, 不要檢舉)
另外, 如果你們已經有心結婚, 不妨去睇睇差不多每月都有的婚紗展. 看看不同的結婚用品或項目的市場行情, 例如租衫價錢, 酒席價錢等等. UPDATE 一下, 你便會知得更多了.
2007-09-03 13:05:02 補充：
如果你係獨女, 9 成要擺酒啦. 10 - 13 圍只係女家的親友, 男家未計呀, 因此你的酒席就需要 20 - 25 圍了. 如果你地希望係酒店擺既, 加加埋埋最少都 7000 蚊一圍, 即係要 150000 元了. 記全這是最 basic 的數字了, 還有好多林林沈沈既野仲未計, 例如租衫, 化妝 etc...當然你可以選擇酒樓啦, ,價錢會相宜一點.
2007-09-03 13:06:44 補充：
前排去左婚紗展, 去台灣影一輯結婚相的消費, 包埋旅費約為 20000 - 25000 元左右.嘩, 仲要諗埋 honeymoon, 去邊呀? 澳門定澳洲?? 這個豐儉由人的...
2007-09-03 13:16:42 補充：
都係個一句, 你冇可能計晒所有費用出黎, 亦冇可能儲到夠晒先開始籌備. 例如你地依家計蜊需要 400000 元先可以攪婚禮, 又例如 5 年後結婚, 咁你應該搵 finanical planner 幫你計劃一下, 你每月要儲多少, 要點樣投資, 係 4 - 5 年可以有足夠現金去辦婚禮. honeymoon 既野, 有閒錢先再去考慮啦.
2007-09-03 13:16:59 補充：
禮金這個問題不是你倆決定的. 禮金無公價, 我有朋友比 5000, 另一個 80000 都係咁. 既然你兩老唔會點樣留難你地既, 咁你點解唔開心見誠食飯時非正式問問你父母, 大約需要幾多 ?? 心中有個數目都好一 d 啦. 比幾多 ?? 其實就好似我所講, 你兩老想收幾多, 再加上你倆能負擔幾多, 加埋除二就係啦.另外, 如果你們已經有心結婚, 不妨去睇睇差不多每月都有的婚紗展. 看看不同的結婚用品或項目的市場行情, 例如租衫價錢, 酒席價錢等等. UPDATE 一下, 你便會知得更多了.
